Ich Thoman der Prunner Ulreichs sun von Epping vergich und tu^en chunt an dem offen prief vor allen lewten gegenwu^ertigen und chunftigen, das ich ..... ze chauffen han geben meinen hof ze Epping genant in Chemnater pharre gelegen, der lehen ist von dem gotshaus ze Chremsmunster meinem lieben frewnt — Chunraden dem Pogner auf dem Turn ze Steyr ...... Das die red furbas sta^et und unverchert beleib, daruber gib ich Thoman der Prunner meinem frewnt Chunraten dem Pogner und seinen erben den prief zu^e einem waren urchunde der warhait versigelten mit des erbern Ernsten dez Otzdorfer zden zeiten richter ze Chremsmunster und mit Chunrats des Stadler und mit Jansen des Aygner und mit Ulreichs des Pallnstorffer und mit U^edungs des Chresslings und mit Hainreichs des Velber purger ze Steyer anhangunden insigiln ..... Geben nach Christi gepurde uber drewtzehen hundert jar darnach in dem siben und sechtzisten jar an sand Marie Magdalene tag.

Source Fulltext: OÖUB 8 (Wien 1883), S. 331f., Nr. 339