Ich Perichtolt von Pergaw lanthofrichter in Osterreich vergich offenleich an dem brief, das für mich chomen ist der erber chnecht Pilgreim der Hündler und pat mich, das ich im lich seinew güter die er von mir und von hern Marichten dem Mistelbechen ze lehen hat. Nu han ich im von genaden meinen tail gelihen an denselben gu^etern der vier phunt wienner phenning geltes ist und sechs und dreizzig wiener phenning gelts, die da gelegen sind datz Lewmanstorff auf dem Santt auf wehaustem gut und auf uberlent also weschaidenleich, das das selb gut auf sein sün erben und gevallen sol, waer aber das sein sün abgiengen und sturben, so sol das selb gut erben und gevallen auf sein toechter. Mit urchunt des briefs, der geben ist mit meinem anhangenden insigel nach Christes gepurt drewtzehen hundert darnach in dem siben und sechtzgistem jar des nachsten freytags nach sand Pangratzentag.

Source Fulltext: OÖUB 8 (Wien 1883), S. 321, Nr. 328