Ich Hainreich von Walsse vergich fur mich und all mein erben an dem offenn brief, von des purkchfrid wegen so zu der stat gen Gmunden geho^ert undz zu Meindles gatern, da ich sto^essig mit der stat umb gewesen bin, da versprich ich obgenanter Hainreich von Walssee mit dem gegenwu^ertigen brief der egenanten stat zu Gmu^enden, das ich und mein erben gegen dem obgenanten purkchfrid untz zu Meindles gatern der egenanten stat kain ierrung hinfu^er nicht tu^en swellen (sic), und sol auch kainer unnsrer phleger zu O^ert und annder unnser anwa^elt nichtz in dem egenanten purkchfrid zu pieten und zu handeln haben. und des ze urkund gib ich der egenanten stat den offenn brief versigelt mit meinem anhangundem insigel. Der brief ist geben nach Kristi geburde dreizechen hundert jar darnach in dem achtt und sechczigistem jar an freitag nach sunibendten.

Source Fulltext: OÖUB 8 (Wien 1883), S. 389, Nr. 392