Wir Albrecht von Gotes gnaden herczog ze O^esterreich ze Steyr ze Kernden und ze Krain graff ze Tyrol etc. embieten unsern getrewn dem richter und den purgern ze Ens unser gnad und alles gut. uns habent unser getrewe die purger von der Freinstat gechlagt swas si von Lincz fu^eren gen Steyr und ze Lincz vermautt haben, daz ir si darumb ze Ens und ze Hitling auch nottet und mautt von in nemen wellt anders denn von alter herchomen sei. Emphelhen wir ew gar ernstleich und wellen, daz ir die egenanten unser purger von der Freinstat beleiben lazzet bei den rechten die si von alter herbracht und gehabt habent und in chain newung macht noch aufseczet oder ir ta^etet wider uns. Geben ze Lincz an freitag nach Pangratij Lxx. De L. magister curie.

Source Fulltext: OÖUB 8 (Wien 1883), S. 470, Nr. 473