Wir Leupold von Gotes gnaden herczog ze O^esterreich ze Steyr ze Kernden und ze Krain graf ze Tyrol etc. verjehen und tu^en kunt umb die drew tausent phunt wienner phenning der unser lieber bru^oder herczog Albrecht und wir dem edeln unserm lieben o^eheim graf Ulreichen von Schawnberg sein schuldig beliben, daz wir verhaizzen und gelobt haben dem egenanten von Schaunberg daz wir in oder sein erben wellen und sullen halbes tails derselben geltschuld daz ist fumfczehen hundert phunt wienner phenning richten und weren unverczogenlich auf weichnachten die schierist koment. Mit urkund dicz briefs. Geben ze Chamer in dem Atersee an sand Marien Magdalenen tag nach Kristes gepurd drewczehen hundert jar darnach in dem ainen und sibenczigisten jare. Dominus dux presente magistro curie Wehinger.

Source Fulltext: OÖUB 8 (Wien 1883), S. 533f., Nr. 539