Reverendis in Christo patribus dominis et amicis suis carissimis domino Henrico venerabili abbati Ulrico priori totique capitulo monasterii in Chremsmunster, Petrus Dei gracia prepositus et archidyaconns Otto decanus totusque conventus ecclesie Seccoviensis cum devotis orationibus fraternam in domino charitatem, Pensantibus nobis et animo sollicite revolventibus, quod vita hominum velut umbra velociter transeat ita ut homo jam floridus et amenus in ictu oculi velut lanugo que flatu venti tollitur et tanquam fumus dispersus in aere quasi in nichilum redigatur, nec tunc sciri possit quis sit dignus odio vel amore, visum fuit nobis super onmia expedire, ut viri spirituales qui ea solum querere debent que sursum sunt non que super terram decurrentia, cum igitur religiosorum ecclesie federe singularis dileccionis indissolubiliter adunate cura semper ad hec intendere debeant et animo vigilanti, ut qui nexu carnalis amoris hic fideliter conjunguntur solutis corporibus eciam in spiritu fideliter congregentur, ecce nos Petrus Dei gracia prepositus et archidyaconus Otto decanus totusque conventus nostre ecclesie Seccoviensis pro nobis et omnibus nobis succedentibus matura deliberatione prehabita in nostram confraternitatem recipimus, libenter et liberaliter juxta peticionis affectum reverendi domini domini Henrici abbatis Ulrici priorls ac tocius capituli monasterii in Chremsmnnster nunc in vita manentibus et in futurum supervenientibus, facientes eos omnium bonorum que per nos et successores nostros in ecclesia nostra adjuvante Deo qui est bonorum omnium donator et auctor fiunt et fieri poterunt participes, in vita pariter et in morte confraternitatem eandem sie firmare volentes, ut si qui fratrum nostrorum fraterne caritatis gratia vel alio quocunque casu alterutrum se visitare voluerint prebendaque fratribus ibidem ministrari solet, integraliter percepturi. Preterea statuimus, ut cum aliquis ex vestro consorcio vocante Deo decesserit et nobis nunciatus fuerit obitus quem dominus felicem faciat, decanus audito obitu fratris defuncti ceteris fratribus mane in capitulo intimabit. Quo facto decanus nomen defuncti statim asscribi faciat libro mortuorum. In eadem etiam nocte si festum alicujus sancti non inpediat, majores vigilias cum sollempni compulsacione cantent et missa pro defunctis mane celebretur, missas nichilominus aliis fratribus legentibus in sequestro, et infra trecenarium quilibet sacerdotum tres missas non computata eadem missa que in deposicione ipsius dici debuit pro defuncto celebretur, alii vero infra sacerdotium existentes pro eodem legant vigilias et mane in missa fiat commemoracio specialis. Dantes vobis in testimonium premisse confraternitatis has nostras litteras nostrorum sigillorum munimine roboratas. Datum Seccovie anno domini MCCCLXXII (millesimo trecentesimo septuagesimo tertio). In octava epiphanie domini.

Source Fulltext: OÖUB 8 (Wien 1883), S. 630f., Nr. 631