Wier Albrecht von Gotes gnaden herczog ze Osterreich ze Steyr ze Kernden und ze Krayn graf ze Tyrol etc. tu^on chunt, daz fu^er uns chom unser getrewr Jo^erig der Heusler und gab uns auf seinen halben tail der veste ze Purchstal der von uns ze lehen ist, und bat uns fleizzichlich daz wier den verleihen geru^ochten unserm lieben getrewn Hainreichen von Walsse von Ens wan er im den verchoufft biet. Das haben wier getan und haben im und seinen erben dieselb halb vest ze Purchstal und swas darczu^o geho^ert verlihen und leihen ouch waz wier in zerecht daran leihen sullen oder mugen von uns unserm lieben bru^eder herczog Leupolten und unsern erben innczehaben und ze niezzen alz lehens und landes recht ist, und sein ouch wier daruber ier scherm vor allem gewalt und unrecht. Mit urchund dicz briefs. Geben ze Wienn an phincztag nach unser frowen tag zu der schidung nach Kristes gepurd dreuczehenhundert jar darnach in dem vier und sibenczigisten jare.||
Magister curie de Liechtenstain.

Source Fulltext: OÖUB 8 (Wien 1883), S. 716f., Nr. 705