Wir Albrecht von Gotes gnaden herczog ze O^esterreich ze Steyr ze Kernden und ze Krain graf ze Tyrol etc. tu^on chunt umb den halb tail des hofs ze Prozzmareut mit seiner zu^egeho^erung der von uns ze lehen ist und darauf weilnt Ulrich der Tumbriczer die erbern Margreten Renwartes swester ir morgengab auzgerichtet hat, daz wir ir den verlihen haben als morgengab landes und lehens recht ist. Ouch haben wir ir gegunnet und erloubt, daz si des andern halb tails desselben hofs mit seiner zu^egehorung Liebharten irs suns des Tumbriczer tragerinn sein sol und mag als lang, uncz der zu^o seinen tagen chome und den selben von uns emphahen und innehaben mag. Mit urchund dicz briefs geben ze Wienn an samcztag nach sand Jacobs tag des zwelifbotten nach Christes gepurd dreuczehenhundert jar darnach in dem vier und sibenczigistem jare. Magister curie de Liechtenstain.

Source Fulltext: OÖUB 8 (Wien 1883), S. 714f., Nr. 702