Wier Albrecht von Gots gnaden herczog ze O^esterreich ze Steyr ze Kernden und ze Krain graf ze Tyrol etc. tu^en chunt umb die gnad die unser lieber herre und vatter herczog Albrecht unsern getrewn den purgern von Ens getan hat also, daz si bei den rechten und chouffen beleiben sullen die si und ir stat von alter gewonhait herbracht habent, als der brief wol weiset den in der egenant unser herr und vatter herczog Albrecht dem Got gnade daruber gegeben hat, daz wir den egenanten purgern von Ens dieselben gnad bestett haben und bestetten ouch mit disem brief. Darumb gebieten wir ernstlich unsern getrewn lieben allen lantherren und lantrichtern allen steten und merkten den diser brief geczaigt wirdt, daz si die egenanten unser purger von Ens pei den vorgeschribnen gnaden beleiben lazzen und dawider nicht tu^on in dhainen weg. Mit urchund dicz briefs. Geben ze Wienn an phincztag nach unserr frown tag ze der schidung nach Krists gepurd dreuczehen hundert jar darnach in dem vier und sibenczigistem jare. Dominus dux per se. Johannes de Tirna.

Source Fulltext: OÖUB 8 (Wien 1883), S. 717, Nr. 706