Wir Albrecht von Gottes gnaden hertzog ze O^esterreich ze Steir ze Kärntn und ze Crain graf ze Tiroll etc. embietn unnserm lieben getreun Eberhart von Capeln haubtman ze Enns unnser gnad unnd alles gut. Wir empfellhen dir ernnstlich und weln, das du die gemain der burger daselbs ze Enns für dich besendest und kundlich und aigenlich innemest und verho^erest ir geprestn die sy habent und in anligund sind von etlichen turn und fennstern di da stent in der riuchhmaur daselbs, und nach derselben verhörung wie dann dieselbn tu^ern und fennster von alter herkomen sind, das du schaffest von unnsern wegen das die vorgenanntn unnser burger von Enns dabei beleiben, und darzue versehest das in fu^erpass von yeman daran kain gwalt irrung noch beschwerung beschech. Daran begest du gennzlich unnsern wiln. Geben ze Wienn an freitag vor Bartholomei anno domini Lxx quarto (millesimo trecentesimo septuagesimo quarto).

Source Fulltext: OÖUB 8 (Wien 1883), S. 718, Nr. 707