Wier Albrecht von Gotes gnaden herczog ze O^esterreich ze Steyr ze Kernden und ze Krain graf ze Tyrol etc. schaffen mit ew dem richter dem rat und den purgern ze Lincz und wellen, daz ier von der stewr daselbs ze Lincz unserm getrewn lieben Hansen von Liechtenstain unserm hofmaisfer gebet und fu^erderlich gevallen lazzet achczig phunt wienner phenning, die wir im gelten sullen umb wein den wier von im zu^o der na^esten vergangen vasnacht gechouffet haben, wan swenn ier das getan habt so sagen wir ew der danne an der vorgenanten stewr ledig und loz. Mit urchund dicz briefs. Geben ze Wienn an unsrer frown abent zu^o der schidung anno domini M°.cccmo Lxxo quinto (millesimo trecentesimo septuagesimo quinto). Dominus dux per se.

Source Fulltext: OÖUB 8 (Wien 1883), S. 772, Nr. 750