Ich Pernolt der Chursner purger ze Enns vergich und tun cbund ..... umb daz gut ze Chunigsperig gelegen in dem ampt ze Vischen daz lehen ist von meinem lieben genedigen herren abpt Hainreichen von Chremsmunster und von seinem gotzhaus und daz ich zu einem rechten chauff in mein gewalt pracht han mit lehens herren hant, von dem selben gut sol ich und mein erben jerichleich geben und raichen meinem lieben genedigen berren abpt Hainreichen dem egenanten und seinem gotzhaus ze Chremsmunster an sand Nyclas tag viertzikch pfening ze rechtem dienst, und an demselben tag virtzikch pfening jerichleich ze stewer . . . Und dez ze einem urchund gib ich . . . den offen brief. . . versigelten mit dez erbern mannes Nyclasen des Gnelher zder zeit statrichter ze Enns . . . und mit meins prueder Chunratz des Chursner dez Chelberpechen aidem purger ze Enns anhangunden insigel . . . wannd wir selber aygens insigels nicht haben. Geben do man zalt von Christi geburd dreutzehenhundert jar und in dem fumf und sybentzisten jar an sant Jacobs tag.

Source Fulltext: OÖUB 8 (Wien 1883), S. 770, Nr. 748