Wier Albrecht von Gotes gnaden herczog ze O^esterreich ze Steyr ze Kernden und ze Krain graf ze Tyrol etc. embieten unsern getrewn dem richter und den purgern ze Lincz unser gnad und alles gu^ot. Wan unser lieber bru^oder herczog Leuppolt und wier die stewr die ir uns nu auf den nesten sand Martins tag richten sullt solichen leuten verschaffet haben die zehant hie darumb ligen und scheden auf uns treyben werdent, davon emphelhen wir ew ernstlich und wellen daz ir uns dieselben stewr unverczogenlich richtet. Tett ier aber des nicht swas wir sein dann schaden nemen, den mu^ezst ier uns an fu^erczog widerkern. Geben ze Wienn an mentag vor Martini Lxxvt0 (millesimo trecentesimo septuagesimo quinto). Dominus dux per jo. de T. (Johannes de Tirna).

Source Fulltext: OÖUB 8 (Wien 1883), S. 784, Nr. 759