ICH Janns von Trawnn dizeitt Haubtman in der Freinstatt vnd all mein Eriben Veriechen vnd tun kundt allen, den der brief gezaigt wirtt, vmb dj gnad, dj vnns der Edl wolgebornn vnser gnadiger Herr Graf Hainreich vonn Schawnnberg getan hatt vmb den Scharerlinghof, den wir von Jm zu lechenn gehabt habenn Vnd den er unns zw vnser Stifft vnd Capellen gen Trawn geaygennt hatt, versprechen vnd verhaissen wir Jm mit vnsern trewn, das wir vnsers rechten frey aigens als uil geltz, sam der egenant Hof ist, zw rechtem lehenn von in Nemen wellen Jner Jars frist. Mitt vrkundt mit meinem anhangunden Insigl vnd zw gezewgnus der sachen mit leotoltz des holtzer die zeit mein phleger zw Trawn anhangunden Insigl, das er durich meiner pett willen daran gelegtt hatt im anschaden, gebn zw Trawn Nach Kristi gepurd XIII hundertt Darnach in dem LXXVI Jar an dem phintztag in der quotemer in der vasstenn.

Source Fulltext: OÖUB 9 (Wien 1906), S. 30