Wier Albrecht von Gottes Gnaden herczog ze Osterreich, ze Steyr, ze Kärnden vnnd ze Krain, Graf ze Tyroll zc. Embietten vnnsern getreuen Lieben Heinrich von Walsse, Haubtman ob der Enns, vnnser gnad vnnd Alles guet. Wir Enphelchen dir gar Ernstlichen vnd wellen, das du nymant Saltz von Lynntz gen Pechein, die vngewondleich strass Lassest fueren, vnnd das das Saltz, klains vnd grosß gen vnser Stat gen der Freistatt chome, Als von Alter her chomen ist, vnnd sy pey den gnaden vnnd Rechten, di sy von vnnsern vordern, vnnd von vns habent, beleiben lassest, nach ir Brief sag, vnnd sy darauf vestichleichen schirmest, wann wir das Ernstleich Also mainen. Geben zu Wienn am Mantag nach dem Sontag als man singt Letare ze Mitter vasten Anno LXXVI0. D. Dux. per se.

Source Fulltext: OÖUB 9 (Wien 1906), S. 46