Wir Graf Hainreich von Schawnberch. Wechennen mit dem offenn bri^ef. Daz. der Erwirdig. Her Johans von Scherffenberch Tu^emprost ze Pazzaw. vnd Maister Pauls, der Chollnaer (!) Cho^erher daselbz. bey vns gewesen sind, von des Capitels wegen ze Pazzaw, daz si vnd daz selb ir Capitel in Langer zeit her Vreyung an vnser Mawt ze Aschach gehabt haben, der wir nicht anheling gewesen sein. Wann si von vnsern vordern. noch von vns chain V/erchu^end dar umb heten. Nu haben wir angesechen daz sich der vorgenant Tu^omprost ze Pazzaw vnd daz Capitel da selbz vns und den vnsern in allen sachen werait erpotn habent vnd noch dinstleich erczaigent, Vnd haben in durch got durch vnser voruodern, vnd vnser selbz sel hail willen, von wesundern gna^eden vnd du^erch ir vleizziger pet willen, dy vorgenanten Freyung hin fu^er westät, vnd be¬statten si auch mit dem brif, also, daz si ierleich ir wein, ir trayd, vnd all ander Speis, dy zu^e irem gemainem tisch geho^erent, ze Aschach an vnser Mawt frey vnd vngemawt gefu^eren mu^egen, vnd wellen auch daz si, all vnser amptleut ze Aschach nü vnd fürbaz, bey vns vnd vnsern nach cho^emen, bey der vorgeschriben Freyung vnd genad weleiben lassen. Dez geben wir ze v^erchund den brif versigelten mit vnsern grözzen anhangunden Insigel. Der geben ist ze Schawnberch an samcztag an vnser vrawn tag ze Liechtmezz, da man zalt nach kristi gepürt dreuczehen Hundert Jar vnd dar nach in dem Sechs vnd Sibenczigisten Jar.

Source Fulltext: OÖUB 9 (Wien 1906), S. 12-13