Ich Rüeger von Starchenberch der jünger vnd all mein eriben Wi^er veriehen vnd tün kund offenbar an dem prief allen den, di in an sehent oder hörnt lesen, daz wi^er gelten füllen Wern¬harten dem Räuttinger, seiner hausfrauen Törlein vnd allen iren paiden eriben zwainczikch phünt alter wienner phenning, der wi^er si richten vnd wem sulln auf di Sunibenten, di nu schi^erft köment. Täten wi^er dez nicht, so haben wi/r in versaczt di zehent, di hernach geschriben stent: zu dem ersten vnser zwen zehent auf den nidern zwain Gütern zu Poppenräutt vnd vnsern zehent auf dem obern hof dacz zawn vnd vnsern zehent dacz michel woltenperg vnd sind all gelegen in Rotenpekcher pharr. vnd di vorgenanten zehent haben wi^er in all versaczt mit mit vnser hant mit allen den ern, rechten vnd nüczen, alz wi^ers selb inn gehabt haben, chlain vnd groz, versuecht vnd vnuersuecht also mit der beschaiden, daz wir vollen gewalt haben di egenanten zehent von in her wider zu lösen vmb di egenanten zwainczig phunt alter wienner phenning all iar iärleich vor Liechtmezz vierczehen tag oder hin nach über vierczehen tag. Wi^er sein auch der egenanten zehent in sacz gewer ir rechter herr, vogt, scherm vnd gewer für all ansprach an aller der stat, da in sein not vnd durft geschicht, also sacz vnd dez Lancz recht ist zu Österreich ob der Ens. Vnd waz in mit dem rechten dar an ab get, wietan schaden si dez nämen, den ir ains bey sein trewn gesprechen möcht an aid vnd an alz recht, denselben schaden zu sampt dem hauptgüt sülln si haben auf vns vnd auf vnsern trewn vnd darzu auf aller vnser hab, wo wi^er di haben, versuecht vnd vnuersuecht. Vnd daz in di Red also stät vnd vnzebrochen beleib, dar über so geben wir in den prief versigelt mit vnserm Aigen anhangunden insigil vnd zu einer zeugnüzz vnder Stephans dez Innerseär di zeit vnser schaffär zu Starhenberch anhangunden insigel im vnd sein eriben an allen schaden. Der prief ist geben nach Kristez gepürdt vber drewczehen hundert iar, darnach in dem Sechs vnd Sibenczkistem iar am freitag vor aller mann Vaschang tag.

Source Fulltext: OÖUB 9 (Wien 1906), S. 27-28