Wir frauw Ymagina Greuin zu^o O^etingen vnd wir Ludwig vnd Fridrich gebru^eder Gra^ofen zu^o O^etingen vergehen vnd Bekennen offenlich mit vrchu^ond dicz briefs fu^er vns vnd alle vnser erben vnd nachkomen allen den die in lesent sehent oder ho^erent lesen. Daz wir vnser lieb tochter vnd Schwester Elsbeten zu^o gelegt solten haben zu^o der vasnacht, diu da vergangen ist, Dez Edeln Grauf Virichs Lantgrafen zu^om Leutenberg Su^on Grauff Aulbrechten genant. Nu haben wir daz verzogen mit dez obgenanten Graf Virichs Lantgrafen zum Leutenberg vnsers lieben Swehers vnd Schwa^ogers willen. Also daz wir die obgenanten Elsbeten vnser lieb dochter vnd schwester zu legen su^ellen sinen Su^on Graf Albrechten dem obgenanten vf die vasnacht die nu^o schierst chu^ompt, ane wider rede vnd an allez verziehen vnd daz verzichen, daz wir also getan haben. daz sol dem obgenanten Graff Vlrichen dem Lantgrafen zu^om Leutenberg vnserm lieben Schweher vnd Schwager vnd Graf Aulbrechten seinen Su^en vnd iren erben zu^o keinem schaden komen in dehainerlay wise an geuerde, Ach solten wir die obgenante frawe Ymagina Gräuin zu^o O^etingen vnd wir die obgenanten Ludwig vnd Fridrich Grafen zu^o O^etingen dem Edeln vnserm lieben Schweher vnd Schwa^oger Gra^of Vlrichen Lantgrafen zum Leutenberg vnd Graf Albrechten sinem Su^on ge úcht (!) vnd bezalt haben achzehen hundert phunt haller, drin vnd drizzig phunt haller siben Schilling haller minner vier haller vff den wissen su^onntag, der da vergangen ist an den Sehsthalb Tu^osent phunt hallern die wir in schu^oldig sin zu^o geben zu^o Haimstuir Eisbeten vnser obgenanten dochter vnd Schwester oder wir solten in da fu^er pfantschafft ein haben geseczt, alz si dez brief haben. Nw^o hat der obgenant Graf Vlrich Lantgraff zu^om Leutenberg, Graf Aulbrecht Sin su^on vnd ir erben vns vnd vnsern erben die frunntschafft getan, Daz sie vns die obgenanten achzehen Hundert phunt haller, drin vnd drissig phunt haller, Siben Schilling haller minner vier haller bestan haben lazzen biz vff den wissen su^onntag der schierst chu^ompt, vnd da von su^ellen wir zu^o rechter gu^elt geben biz vff den wissen su^onntag der schierst chu^ompt ye von zehen phunt hallern, ain phunt haller vnd daz sol mu^encz vnd werung sin nach lu^ot vnd sag dez briefes, den sie von vns inne haben vmb diu Sehshalb Tu^osend phunt haller vnd diu obgenanten achzehen Hu^ondert phunt Haller driu vnd drizzig phunt haller Siben Schilling haller minner vier haller, Su^ellen wir vnser erben vnd Nachkomen Dem obgenanten Grauff Vlrichen Lantgrafen zu^om Leutenberg vnserm lieben Sweher vnd Schwager vnd Grauff Aulbrechten sinem su^on oder iren erben wem vnd bezalen vnd die gu^elt diu sich da von gebu^ert ye von zehen phunt hallern ain phu^ent haller vnuerzogenlichen vff den wissen su^ontnag der schierst ku^ompt an schaden vngeuerlichen vnd dez zu^o ainem waren vrchu^ende vnd gu^oter sicherhet geben wir fu^er vns vnd vnser erben vnd Nachkomen Jn disen brief versigelten mit vnsern aygenn Jnsigeln, div alle hieran hangen. Geben nach Crysti gebu^ert Driu zehen Hu^ondert Jar vnd in dem Sehs vnd Sibenczigsten Jare am nechsten after montag vor dem Palmtag.

Source Fulltext: OÖUB 9 (Wien 1906), S. 60-61