Johannes dei gracia sanete Pragensis Ecclesie Archiepiscopus, apostolice.sedis legatus, Notum facimus tenore presencium vniunersis, quia constitutus in presencia nostri (:sic:) Religosus vir frater Petrus plebanus ecclesie in Fridburg ordinis Premonstratensis nostre diocesis, nobis exponere curauit, quod ipse dicte sue ecclesie condicionem cupiens facere meliorem maturoque et diligenti tractatu, ac solempni deliberacione cum Honorabilibus et Religiosis viris dominis ~~ preposito, ~~ Priore et Conuentu Monasterij in Plaga, diocesis et ordinis predictorum, cuius professus existit et ad quos dicte ecclesie ius patronatus dinoscitur pertinere in pleno capitulo prehabitis, siluam dicte ecclesie ad octo laneos minus vno quartali se extendentem per bone memorie dominum Henricum de Rosenberg prefate ecclesie dudum datam et donatam minus vtilem cum nobilibus viris dominis Petro et Johanne fratribus de Rosenberg pro uilla Wangnerslag, censibus et redditibus ipsius ac pro omnibus juribus et pertinencijs ad dictam uillam pertinentibus et spectantibus magis utilibus rite et racionabiliter permutauit, hoc expresso, quod predicti domini de Rosenberg ipsorumque heredes, et successores tuicionem uille memorate ac uenaciones in bonis uille eiusdem habere debeant atque possint, Et quod prefatus dominus Petrus plebanus in Fridburg suique successores debeant et teneantur vnum presbiterum Religiosum de Monasterio et ordine predictis apud ecclesiam predictam pro vicario perpetuis inantea temporibus sub penis in litteris desuper confetis et sigillis dictorum ~~ preprositi et Conuentus ac plebani sigillatis, tenere in expensis proprijs fouere et habere sine renitentia et contradictione, petens prefatus plebanus et humiliter supplicans, quatinus huiusmodi permutacionem ac omnia et singula suprascripta in suis punctis et clausulis, auctorisare, ratisicare et confirmare dignaremur, Nos ipsius plebani peticionibus utpote racionabilibus fauorabiliter inclinati, Et quia inquisitione diligenti prehabita huiusmodi permutationem in euidentem dicte ecclesie vtilitatem euenire inuenimus, ipsam ac omnia et singula supradicta, auctorisamus, approbamus, ratificamus et ex certa nostra sciencia, auctoritate ordinaria presentis scripti patrocinio confirmamus dictamque uillam Wargnerflag cum omnibus juribus et pertinencijs suis ut premittitur, eidem ecclesie ex causa permutacionis iam dicta, vnimus, applicamus et incorporamus ac Ecclesiasticam volumus decetero reputari. In cuius rei testimonium presentes litteras fieri, Sigillorumque nostrorum appensione iussimus conmuniri. Datum Prage Anno Domini Millesimo Trecentesimo septuagesimo sexto die XVJ. mensis Januarij.

Source Fulltext: OÖUB 9 (Wien 1906), S. 8-10