Wir Albrecht von gotes genaden Bischof ze pazzawe bechennen vnd tu^en kunt, das der edel ersame wolfgang der Stra^ewn mit vnserr hant, gunst vnd willen gemacht hat Kathrein seiner hawsfrawen zu^e rechter margengab sein viertail weinzehent vnd traidzehent ze Vlreichschirichen vnd sein viertail traidzehent ze chranperch, die von vns vnd von vnserm gotzhaus ze pazzawe lehen sind, so der brief sagt, den er ir daruber geben hat, Vnd nach seiner vleizzigen pet besta^eten wir dasselb gema^echt in margengabs weis, als margengabs recht ist vnd des Landes recht ze O^esterich. Mit vrkunde des briefs. Geben ze Pazzawe an nachsten Montag nach sand Bartholomei tag Nach christi gepu^erde dreutzehenhundert iar vnd in dem Sechs vnd Sibentzigistem iare.

Source Fulltext: OÖUB 9 (Wien 1906), S. 136-137