Jch Fridreich vom Graben vnd ich Kathrey sein Hausurow^e vnd all ünser erben, Wir vergehen vnd tu^en chunt offenlich alle den die den brief sehent lesent oder ho^erent lesen di nu lebent vnd hernach chünftig sind, Das wir Recht vnd Redleich verchaufft haben v^enserm lieben Swager Vireichen von Liechtenekk vnd allen seinen erben alle di manschaft di wi^er haben in dem Lannde ze O^esterreich, si sey herchömen von den Lobenstainern oder von den Gruenbergern oder von wem si herchömen ist, di vnser Öchem Chünrad der Flachenekker gehabt hat vnd di üns von im warden ist, wie diselbig manschaft genant ist vnd wo di in dem Lannde ze O^esterreich oberhalb der Ens oder niderhalb der Ens Enhalb Tuenaw oder hindishalb Tuenaw gelegen ist, ausgenömen der manschaft, di von den Chornspekchen herchömen ist. vnd auch ausgenommen der manschaft des Hofs da zu den zeiten Thöman der Gressing auf gesezzen ist, di wir vns ze vnsern Händen behalten haben, Also beschaidenleich das wir darumb ze paider seitt di vier genomen haben Hern Albern von Ottenstein, Hern Marcharden den Tu^ersen von Tyrnstain, Herrn Weicharten von Toipel vnd Hern Hannsen den Toczenpekchen, was dieselben vier ir ainer oder ir meniger welich wir ünder in gehaben mügen, sprechent, daz vns der vorgenant ünser Swager der Liechtenekka^er umb diselb manschaft di wir in verchaufft haben, geben süllen, daz süllen wir baidenthalben sta^et haben an alle wider Red vnd sullen auch denn dem selben vnserm Swager, vnd seinen erben stät dar über tün, als chaufs recht ist in dem Lannde ze Österreich, Aber ob di vi^er do nicht gesein mo^echten oder darumb nicht sprechen wolden, so haben wir es gesaczt, dem vorgenanten vnserm Swager Vireichen dem Liechtenekker im selb hincz seinen trewn, was er darumb spricht, da sol vns an genügen vnd sol daz alles geendet vnd volfürt werden zwischen hin vnd sand Jo^ergen Tag der schirist chu^emt, sich sol auch der egenant vnser Swager Vlreich der Liechtenekker in der zeit eruarn was der Egenanten manschaft sey, di wir im ze chauffen geben haben vnd was er vns Darumb Sagt, das ir sey, das süllen wir im gelauben. Gieng aber ich egenanter fridreich in der zeit ab mit dem Tod ee das di ausrichtung geschech, so sol es dennoch für sich bey dem Chauf weleiben. Gieng aber der vorgenant vnser Swager Vlreich der Liechtenekker ab mit dem Tod ee die sach zwischen vns geendet würd so sol di selbig manschaft ünsern Handen weleiben vnd sol di sach vnd Hanndlung zwischen vns Darumb Slechtleichen ab sein, also das wir seiner Hausurown vnd Seinen erben darumb nichts sein gepunden, vnd des ze ürchund so geben wir in den brief versigelt mit vnserm Jnsigel, vnd mit Chünrads Jnsigl des flachenekker vnd mit Hern Wolfgangs Jnsigel von Winnden vnd mit Hern Marchards Jnsigel des Türsen von Tyrnstain vnd mit Hern Hannsen Jnsigel des Toczenpekchen di der sache geczeug sind mit irn Jnsigeln. Der brief ist Gebenze Wienn nach Christi gepürd Drewczehen Hundert Jar darnach in dem Sechs vnd Sibenczigistem Jar des nasten Mantags nach sand Veyts Tag.

Source Fulltext: OÖUB 9 (Wien 1906), S. 86-87