JCH Heinrich der Hekinger Vnd Ann mein hausfraw Vnd all vnser Erbn veriehen offenbar mit dem prieff vnd tun chunt allen den, dy in sehent oder horent lesenn, dy nu lebent oder hernach chunftig werdenn, daz ich nach rad vnd mit gunft meiner hausfrawn/e nachsten erbn/e vnd mit gesamter hant zu^e der zeit, do ichs obgeschribner heinrich der hekinger vnd mein obgeschribn/e hausfraw vnd aller vnser Erbn ez wol getun machtenn, Recht vnd redleich verchauft vnd ze chauffen habn gebn Lewpoltenn von Greyn vnd seiner hausfrawn vnd alln irn paydri Erben i^er freys aygen vnd ierr nachstenn Erbn/e ein Lehen, daz hayzzet dacz dem Grezzing vnd leit in sand Gorger pharr mit all dew, vnd darzu^e geho^ert ze holcz, ze veld, ze wayd vnd ze wyzmad, versucht vnd vnuersucht Mit alln den ern, rechten vnd nu^eczen, Als wir daz selb in aygens gewer vnuersprochenleich inn habn gehabt, vmb ein genancz gu^et, dez wi^er gancz vnd gar gewert seyn an allen schadn/e, vnd schulln sew auch alln irn frum damit schaffen, verseczen, verchauffen, vnd gebn, wem sy wellen an allew irrung Vnd schullen auch wir vnd all vnser Erbn gen demselben gu^et hinfur chain ansprach nimmermer gehabn/e weder mit recht noch an recht. Wir sein auch vnd mit vns all vnser erbn/e i^eerr vnd aller ierr erben, dez obgeschriben Lehens Rechter gewer vnd scherm fu^er all ansprach, als freyzz aygens recht ist in dem Land ze Osterreich. Waz in oder irn erben daran abget, da sew schaden annement mit recht, den sew mu^egen gesprechen pey irn trewn/e vngeswarn/e, denselben schaden schulln sew habn/e auf vns vnd vnuerschaidenleich auf aller der hab, dy wir vnd all vnser erben haben, wo wir dy haben, Ez sey aygen oder verlehencz gu^et, purchrecht oder varent gu^et, wy daz genant ist, Vnd schulln/e seyn davon bechomen mit vnserm vnd aller vnser erben vnd freunt gutleichem willen, wir sein Lebentig oder Tod. Daz dy handlung vnd der chauft(!) alzo stett vnd vnczebrochen beleib, dez gib ich obgeschribner heinrich der hekinger dem obgeschriben Lewpolten von Greyn vnd seiner hausfraw^e vnd allen i^ern erben den offen prieff versiegelten fu^er mich vnd fu^er all mein erben mit meym anhangunden jnstgel, der sach ist auch zewg der Erber Heinrich der ynczinger vnd dy zwenn Erberr jans der Stayner vnd herweig der Stayner Mit irer aller dreyer anhangunden jnsigel inn ann schadn. Der prieff ist geben nach christi gepu^erd dreuczehenhundert jar, darnach in dem Sechs vnd Sybenczkisten jar Ann dem heiigen [sic] Sunwenttag.

Source Fulltext: OÖUB 9 (Wien 1906), S. 102-103