ICH Stephan der Schekche vnd mein hawsfraw wir vergehen vnd tun chunt mitsampt vnsern erben an dem offen prief vor allen lewten gegenwu^ertigen vnd chunftigen, Daz wir mit wolbedachtem mu^et, mit gunst vnd willen vnser erben zder zeit, vnd wir daz mit recht wol getu^en machten, recht vnd redleichen hingelazzen haben daz gu^et ze waitarn vnd di zwo hofstet, die in daffelbig gu^et geho^erent in Siernidkcher pharre gelegen, daz vnser vreies aigen ist, Dasselbig gu^et wir zu^e ainem ewigen liecht in daz Spital ze Steyr geben haben, dem erbern manne Dietreichen dem wiser ze waitarn, seiner hawsfrawn vnd allen seinen eriben vnd haben in auch dasselbig gu^et von genaden lazzen mit allen den rechten vnd nuczen, die darzu^e geho^erent vnd davon becho^emen mugen ze holtze, ze velde, versu^echt vnd vnuersu^echt, als ez von alter her cho^emen ist, Also beschaidenleich, daz si vnd ir erben vnd alle ir nachchomen, die daz gu^et nach in besitzent, ewichleichen aller iar ia^erleich davon raihen vnd geben sullen ze dienst an vnser frawn tag zu^e der dienstzeit dem Spital ze Steyr an zwen phenning zehen schilling wienner phening vnd vns vnd vnsern erben zwen wienner wienner phenning fu^er ain vogthu^en zu^e ainem vrchunde vnd wartzaihen, daz wir desselben gu^ets dez Spital vogt sein, vnd sullen auch dhainer anderlaye vorderung weder stewer noch nichtes nicht mer dem Spital noch vns geben, Denne als vil, wenne ain Wandlung auf dem gu^et geschieht, als offt sol man dem Spital ze Steyr geben fumftzehen phenning der da aufvert ze anlait vnd der da abvert, fumftzehen phenning ze abvart vnd nicht mer weder chlain vnd groz. Daz die rede furbas sta^et vnd vnuerchert beleib, darvber gib jch Stephan der Schekche Dietreichen dem wiser ze waitarn vnd seinen erben den prief fu^er mich vnd mein erben zue ainem waren vrchunde der warhait versigilten mit meinem anhangundem jnsigil vnd zue ain er gu^eten getzewgnu^esse, mit dez erbern Petreins dez Hinderholzer zden zelten Purgraf ze Steyr anhangunden jnsigil im an schaden. Geben nach Christi gepurde vber Drewtzehen Hundert jar, darnach in dem Sechs vnd Sibentzgisten iar an dem Sunnbende Tag.

Source Fulltext: OÖUB 9 (Wien 1906), S. 97-98