Ich Graf Vlreich vnd ich Graf Peter von Pernstein, gebrüder, vnd all vnser Erben, Wir vergehen —, daz wir — fürtzicht getan haben vnd verczeichen ouch vns gancz — gegen vnsern öhem Jorigen von Waltse vnd gegen allen seinen Erben aller der Hab vnd Gu^eter die sein Vater Her Eberhart von Waltse von Lintz vnser En selig hinder im gelazzen hat —, vnd aller der hab vnd gu^oter, die der genant Jörig von Waltse vnser öhem hat vnd noch furbaz gewinnet —, Als daz wir obgenanten paid pru^eder Graf Vlreich . . . noch alle vnser Erben fürbas auf die vorgenanten hab vnd gu^oter allew . . . pei des egenanten vnsers öhem . . . nach seinem tod nimmermer dhains Rechtens gehen noch chain ansprach oder vodrung ewigleich darauf nimmermer haben noch gewinnen sollen —, Sunder daz derselb vnser öhem Jörig von Waltse vnd sein Erben . . . fürbaz . . . hab vnd gu^eter allew ledichleich vnd vreileich haben — mu^ogen —, vnd süllen noch wellen wir Si daran nichtz hindern noch irren mit chainerlay sachen. Vnd darumb hat vns der egenant vnser Öhem gegeben achthundert phunt beraiter wienner phennig, der er vns gancz vnd gar verrichtet vnd gewert hat, die wir ledichleich haben sullen vnd damit tu^oen vnd schaffen mu^ogen was vns allerpest füegt oder wolgeuellet an alle irrung. Vnd daz die vorgeschriben fürczicht fürbas also stet vnd vnzerbrochen beleib, darüber so geben wir vorgenanten paid prüder Graf Vlreich vnd Graf Peter von Pernstain für vns vnd für alle vnser Erben dem oftgenanten Jörgen von Waltse vnserm Öhem vnd allen seinen Erben den brief zu einem waren vrkundt vnd zu einer ewigen vestung der Sache versigelten mit vnsern Jnsigeln vnd mit vnsers lieben Vaters Jnsigel Graf Ybans von Pernstein vnd mit der erbern Herren Jnsigel Hern Wernharts von Meissow Obrist Marschalich vnd zu^o den Zeiten Lantmarschalich in O^esterreich vnd Hern Chunrats von Potendorf die wir des vleizzichleich gepeten haben, daz Si der Sache gezeugen sint mit iren Jnsigeln angehangen, der brief ist geben ze Wienne nach Christes gepurt drewtzehen hundert Jar darnach in dem Siben vnd Sibenczigistem iar des nechsten Sunntags vor Mittervasten.

Source Fulltext: OÖUB 9 (Wien 1906), S. 208-209