Ich Philijp der Getringer vnd mein Havsvraw Offney (sic), vnd all vnser erben vergehen vnd tu^on chunt mit dem bri^ef allen den di in sehent, ho^erent oder lesent vmb daz gu^ot ze Gostasrewt gelegen in Hyrspekcher pfarr, da zder Zeit di Nevsslinn auf gesezzen ist, vnd daz vnser satz gewesen ist von dem Erbergen Petren dem ybeyn von Chernekk vnd von seinen erben, fu^er ahtt pfunt pfenning wi^enner mu^enzz, alz der bri^ef sagtt, den wir von in dar über haben, hat derselb Peter ybeyn vnd sein erbn rechtt vnd redleich daz selb gu^et ze rechter los zeit vmb di^e selben ahtt pfunt pfenning von vnz gelo^est vnd haben auch di selben pfenning von in enphangen vnd solten in auch den bri^ef den wir über den selben satz gehabt haben, wider hend hin wider in ir gewalt gegeben haben, den mohtt wir zder zeit niht gehaben, vnd darumb verpinden wir vnz mit vnsern trewn an aydes stat, Alz pald wir des selben satz brifs bechömen, daz wir in den widerhend in ir gewalt geben wellen, vnd wenn wir daz getan haben, so schullen si vnz den gegenbu^ertigen bri^ef auch her wider geben, vnd all di weil wir dez nicht tu^en, wo dann der selb satz bri^ef von vns oder von wem daz wa^er indert fu^er chäm, so sol er in zu^o dhainen schaden vnd vnz zu^e dhainem frv^em cho^emen, vnd sol gentzleich tod vnd ab sein, wann wir hintz dem selben gu^ot nimmer nichtz ze sprechen schu^ellen haben weder mit recht noch an recht vnd was wir darvmb mit dem selben satz brief furbaser mit in ze chri^eg wu^erden mit recht oder an recht, daz schu^ellen si an aller stat gen vnz behabt, vnd wir gen in verlorn haben. Mit vrchu^end dez bri^efes, den ich in gieb fu^er mich mein havsvrow^en vnd all mein erben versigelten mit meinem Anhangunden Jnsigel, vnd mit dez Erbergen Herren Hern Otten von Wald anhangunden Jnsigel, daz er du^erch vnser pet willen daran gelegt hat zu^e zeugnu^ozz im an schaden. Der bri^ef ist geben Nach christi gebu^ortt drevtzehen hundert jar, dar nach in dem Syben vnd Sybentzkistem jar an sand Gregorii tag.

Source Fulltext: OÖUB 9 (Wien 1906), S. 221-222