Ich Heinrich dez Hu^ober S/on von Wa^enenstorf, mein Hau^esfraw^e vnd all vnser eriben veriechen vnd tu^on chund offenbar mit dem brief, daz wir mit wolbedachtem mu^et vnd mit gu^etem vnserm willen vnd nach vnserr frevnt Rat, recht redleichen vnd cha^eufleichen ze chauffen haben geben auz unserr nu^ecz vnd gewer in di iren, Zachereysen dem Fragner purger ze Pürcha^eusen seiner Hausfraw^en vnd allen i^ern eribn vnser Hu^eb ze Wa^enenstorf¹⁾ vnd di^2a) gelegen^2b) ist in Mostorffa^er pfarr mit allen den ern, rechten, nutzen vnd gesu^echen die dar zv gehörent vnd davon bechomen mugen pei chlain und pei gros, vmb solich gelt, dez si vns ganz vnd gar verricht vnd gewert habent nach allem vnserm willen. Ez ist auch ze merkchen, daz di vorgenant Hu^ob Lechen ist von Herrn Chu^onrad dem Grans ze Lauffen³⁾, Vnd sullen in auch di vorgenant Hu^ob⁴⁾ richtig machen vnd aufgeben an di⁵⁾ vorgenant Herren an allen irn schaden. Wir sullen vnd wellen auch der egenanten Hu^ob⁶⁾ ir Vertreter versprecher, verantwu^orter vnd gewern sein alz dez Landez vnd Lechens recht ist. Wär aber ob in dhainerlay chrieg oder inbru^ech dar inne wider für, daz wär von vns oder iemant andern von vnsern wegen, daz sullen wir in auztragen vnd richtig machen an allen irn schaden. Täten wir dez nicht, waz si dez schaden nemen, den sullen wir in gar vnd ganz ab tun vnd wider chern im worten dar vmb ze geläuben an ayd vnd sullen si daz allez haben vnd bechomen dacz vns vnsern trewn darzu^e auf aller unserr Hab, swo wir die haben besu^echt vnd vnbesu^echt vor allen andern Lau^eten vnd vnsern geltern. Wir verczeihen vns auch der vorgenanten Hüb⁷⁾ gar vnd gancz mit dem brief, also daz wir fürbaz dhain ansprach noch voderung dar nach nicht mer haben noch gewinnen sullen weder mit recht noch an recht gaistleich noch weltleich. Vnd ob wir dar vmb mit in oder si mit vns ze recht oder ze chrieg chämen, die selben recht vnd chrieg sullen si all zeit hintz vns behabt haben vnd wir gein in verloren. Wer auch den brief inne hat mit i^erm gütem willen, der hat allev di recht, di an dem brief verschriben stent, in aller der mazz alz si selber. Vnd dar vber ze einem warn vrchund geben wir in den brief mit dez Erbern Chu^onrat dez Hofman purger ze Purchhausen anhangendem Jnsigel besigelten, der vns daz daran gelegt hat durch vnserr fleizzig pet willen im vnd allen seinen eriben an schaden, Dar vnder wir vns mit vnsern trewn verpinden, allez daz stät ze haben, daz an dem prief verschriben stet. Dez sind zeugen Heinrich der Gunderl, der Zwikcher, Heinrich, Marteyns des Freyn aydm, vnd erber Lau^et genu^og. Der brief ist geben, do man zalt von Christez gepurt drevzechen Hundert jar, dar nach in dem Siben vnd Sibentzigisten jar an sand Gregori tag in der vasten.

Source Fulltext: OÖUB 9 (Wien 1906), S. 219-220