Ich Margret Gerlochs des pachleitter witib dem got gnad, ich Chunrat Abolldinger i^er aydem, vnd ich lienhart ir sun, Vergehen vnd tu^en chunt offenleich mit dem bri^ef allen den, di^e in sehent hörent oder lesent, das vns vnser gna^ediger Herr Her Ott Abbt dez Gotzhaws dacz sand Peter zu^e Salczburg, di^e halb Hu^eeb in der Fils, di^e der vorgenant Gerlo^ech der Pachleitter selig zu^e freyer stifft von dem Gotzhaws gehabt hat, lazzen vnd verlihen hat, zu^e rechtem leibgeding nv^er zu^e vnser egenanten drein leiben vnd nicht lenger, di^e gelegen ist in seinem Ampt ze Praitenaw in Penichwanger pharr, da uon wi^er Jm vnd seinem Goczhaws, all Jar iärleich dienen vnd gebenn süllen zu^e rechter di^enstzeit für den traid di^enst, der in seinem vrbarpu^ech verschriben ist, Sechczk wienner pfenning, di^e gib vnd gäb sind an geua^er, mit allen den rechten, nu^etzen vnd gesu^echen, di^e dar zu^e geho^ernt besu^echt vnd vnbesu^echt, Mit soliher weschaiden, das v^enser ains ia^erleich in di^e stifft cho^emen sol wenn di^e gepoten wi^ert, mit ainer erung di^e von einem solichen gu^et geho^ert vnd auch alles das leiden daz ander sein vnd seins gotzhaus lawt leident, in der stifft an all widerred. Wi^er süllen auch di^eselb halb Hu^eeb vnd was darzu^e gehört weder verseczen noch verchauffen, noch ze fro^emder Hant bringen vmb dhain vnser no^etdu^erft an sein vnd seiner nachko^emen gu^enst vnd gu^eten willen, Swenn aber daz ist, das wi^er vorgenanten drey leib nicht mer sein, so hat dar nach dhain vnser erib frewnt noch nachko^emen dar auf nichtz zu^e sprechen weder mit gaistleichem noch mit werltlichem Gericht, Wann ez dar nach im, sein nachko^emen vnd sein Gotzhawss ledichleich wider angeuelt an all i^errung. Wi^er su^ellen auch die obgenant halb Hu^eb, vnd was dar zu^e gehört, wesenleich innhaben vnd pawlich legen ze Holcz vnd ze Veld vnd an aller stat an geuär. Wär aber, daz wi^er der vorgeschriben pu^ende dhainen v^eber fu^ern, wi^e sich daz füegat, so sey wir geuallen von allen den rechten di^e wi^er darauf gehabt haben an allew gnad, Vnd ob daz wär, daz wir von der offtgenanten halben Hu^eeb bey vnsern lebentigen zeiten schieden, oder wann wir nicht mer sein, so su^ellen wir ein bericht darauf lazzen, di^e von recht darzu^e gehört nach trewer pawlawt sag an alles geuär. Daz daz alles v^enserm obgenanten Herrn, seinen Nachko^emen vnd seinem gotzhawss stät vnd vnzu^ebrochen beleib, Geben wi^er den offen bri^ef versigelten mit mein vorgenanten Chu^enratz des Abo^elldinger anhangunden Jnsigel, Darzu^e ze ainer pezza^orn sicherhait mit dez erberigen Herren Her Wolfgankchs des Polhaimer von Wartenburg anhangunden Jnsigel, der daz durch v^enser fleizzigen pet willen an den bri^ef gelegt hat, im vnd allen seinen erben an schaden, Vnder di^e baidew insigel wi^er v^ens allew verpinden mit v^ensern trewn alles daz sta^et zu^e haben vnd ze volfu^ern daz an dem bri^ef verschriben ist, Der geben ist zu^e Salczburg an sand Go^erigen tag, Nach Christi gepu^ert drew czehen Hu^endert Jar, Dar nach in dem Syben vnd Sybentzkistem Jar.

Source Fulltext: OÖUB 9 (Wien 1906), Nr. 193