Wir Leuppold von gotes gnaden Herczog ze O^esterreich, ze Steyr, ze Kernnden vnd ze Krain, Graf ze Tyrol etc. Bechennen offenlich mit disem brief, Daz wi^er den Edeln Vnsern lieben Öheim Graf Hainreichen von Schawnberg Jngenomen haben zu Vnserm besundern Helffer vnd dyener Vnd wellen Jn bey allen dew, dartzu^o er recht hat, Vnd daz sein Vordern an Jn bracht habent, genediklich schirmen vnd bey Recht haltten wider allermeniklich, wenn vnd wie offt Jm des not geschicht an allez geua^er. Ouch sullen vnd wellen wir auf den egenanten Vnsern lieben Öheim Graf Hainreichen von Schawnberg dhainerlay sach nicht gelauben, Wir setzen Jn dann vor darumb ze red mit vnserer botschaft oder mit vnsern briefen, Vnd daz verhaizzen wir Jm mit Vnsern furstleichen gnaden. Mit Vrkund dicz briefs versigelt mit Vnserm grozzen furstleichen anhangendem Jnsigel. Geben ze Wienn an vnsrer frawn tag, als si geborn ward. Nach kristes gepurd dreuczehenhundert Jar, darnach in dem Siben vnd Sibenczigistem Jare.

Source Fulltext: OÖUB 9 (Wien 1906), S. 309