Wir Leupolt von gots gnaden Hertzog ze Oesterreich zc. Embieten vnsern getrewn lieben ~~ dem Richter dem Rat vnd den Burgern gemainclich ze Lintz, vnser gnad vnd alles gut. Wir emphelhen ew vnd wellen ernstlich, daz ir ew mit Harnasch vnd andern dingen zu wer richtet, vnd Kost, vnd Speis in der Stat bestellet, als ir maist mugt, vnd als vnser lieber getrewer Hainreich von Walsse, Hauptman ob der Ens, wol an ew bringet, Also wenn er ew empiett, Daz ir denn auf der stat berait vnd gehorsam seit, vnd vnuerzogenlich volfürt, vnd tut, was er mit ew schaffe, wan ir daran genczlich vnsern willen tut, vnd ist vns vnd dem Lande ein grozz notdurfft. Geben ze Wienn am Mittwochen nach vnser frawn tag ze Herbst. Anno etc. LXXVII.

Source Fulltext: OÖUB 9 (Wien 1906), S. 309-310