Wir Leupolt von gots gnaden herczog ze O^esterreich, ze Steyr, ze Kernden, vnd ze Krain, Graf ze Tyrol zc. veriehen vnd tu^en kunt offenleich mit disem brief fu^er uns und unser erben, als unser lieben getrew^en Wernhart von Meissaw, lantmarschalch, Alber von Pu^echaim, obrister drugsetz in O^esterreich, Hainreich von Walsse, haubtman ob der Ens, vnd Ott von Zelking von Scho^ennegg sich fu^er vns gen dem edeln vnserm lieben o^eheim graf Hainreichen von Schaw^enberg zu selbgescholn vnd pu^ergel verschriben vnd verpunden habent vmb acht tausent phunt Wienner phenning von des kauffes wegen ze Ort nach sag des briefs, den der egenante von Schaw^enberg von vns vnd von in darumb hat, haben wir verhaizzen vnd gelobt, verhaizzen vnd geloben auch mit disem brief, daz wir si vnd ir erben an allen schaden dauon bringen vnd ziehen wellen an alles geuerde mit vrkund dicz briefs. Geben ze Grecz an eritag nach des heiligen chreutz tag ze herbst nach Kristi gebu^erd dreuczehenhundert iar dar nach in dem siben vnd sibenczigisten iar. Dominus dux per se.

Source Fulltext: OÖUB 9 (Wien 1906), S. 312