Ich Örtlieb von Winchel pey der Tuenaw vnd all mein Erben vergehen —, Daz ich — geben vnd gemacht han meinem lieben Vettern Herrn Weykcharten von Winchel mein halbev Vest genant ze Stainekk, dy mein gechaufcz gu^et ist von meinen lieben vettern Fridreichen vnd Ortlieben vnd Weykcharten vnd Hainreichen vnd Herrn Ewerharten geprüdern von Winchel mit allen den Ern, Rechten vnd nüczen vnd dar zü gehört. —, Also weschaydenleich, ist daz ich an Erben ab gen, daz Su^en haizzent, so sol mein vo^ergenante halbev Vesst Staynekk nach meinem To^ed Erben vnd geuallen auf meinen vorgenanten Vettern Hern Weykcharten von Winchel vnd auf sein Erben, vnd sol auch mein vo^ergenante Halbev Vesst Staynekk mit aller i^err zu^egeho^erung als oben genant ist, inne haben nüczen vnd niezzen, —, Wa^er aber daz ich Erben gewunne, daz Su^en wa^eren, da sol dy vorgenant mein halbev Vesst Stainekk mit aller i^erer zu^egeho^erung, auf Erben vnd geuallen als daz pilleich ist, Wa^er aber daz mich Ehaft no^et dar zu^e pra^echt, daz ich dy offt genant mein halbev Vesst Stainekk mit i^err zu^e ho^erung (!) verchauffen, oder verseczen mu^est, So sol ich sey meinem vorgenanten Vettern Hern Weykcharten vor an pyeten, vnd sol y^em sey fu^er ander Lawt geben, Wolt oder möcht er sey dann nicht chauffen, oder dar auf geleihen, So mag ich fu^erbaz allen meinen frum damit schaffen. —, vnd sol mi^er mein obgenanter Vetter Her Weykchart von Winchel. chain i^errung darinn tu^en —, Wa^er aber daz wi^er payd an Erben ab giengen, daz Su^en hyezzen, da Got vo^er sey. So sol dy obgenant V/enser vesst Stainekk Erben vnd geuallen auf vnser nachst Erben, daz Su^en haizzent, da sy dann pilleich auf Erben vnd geuallen sol. Ich pin auch vmb dy vorgenant halb Vesst Stainekk sein gewer vnd fu^erstant. nach dem Landes recht in O^estereich. Daz i^em daz gema^echt fu^erbaz sta^et vnd vnzebrochen weleib. dar vmb gib ich i^em den prief versigelten mit meinem anhangundem Jnsigel vnd mit meins vettern Hern Ewerhartz von Winchel Cho^erherr ze Pazzaw, vnd mit meins Vettern O^ertolfs von Winchel vnd mit des Erbern Herren Hern Hainreichs von Rawhenstain, vnd mit des Erbern Ritter Hern Hannsen von Ryetental. aller anhangunden Jnsigeln. vnd der sach aller zeug sind. mit i^eren anhangunden Jnsigeln. Der pri^ef ist geben nach Christes gepu^erd drewczehen Hunndert Jar, darnach in dem Syben vnd Sybenczkistem Jar an sand Michelstag.

Source Fulltext: OÖUB 9 (Wien 1906), S. 327-328