Wi^er Leupolt von gotes gnaden Herczog ze O^esterreich, ze Steyr, ze Ka^ernden vnd ze Krain, Graue ze Tyrol etc. Tu^en ku^ent, Daz wi^er vnserm getrewn lieben hannsen dem lazperga^er vnserm Marschalchen schuldig sein vnd gelten sullen Achthundert vnd Sechs guldein vmb Getraid, daz er vns gen Felters gegeben hat, vnd vmb Ros vnd Hengst, di jm in vnserm dienst abgegangen sind vnd die wir von jm kauften vnd slahen jm die auf den Sacz ze vlten. Also, daz er vnd sein erben die darauf haben sullen in aller maß, als Si ander gelt vormaln darauf habent, vnd sullen noch wellen den vorgenanten Sacz in Vlten von jn nicht ledigen, wi^er richten Si denn vor der vorgenanten Summ guldein mit beraitem gelt. Mit vrkunt dicz briefs. Geben ze Poczen an Montag vor Sant Agnesen tag. Nach christi gepurd Drewczehenhundert iar, darnach in dem Siben vnd Sibenczigisten jar.

Source Fulltext: OÖUB 9 (Wien 1906), S. 190-191