Wi^er Albrecht vnd Leupolt gebru^eder von Gots genaden Herczogen ze O^estereich ze Steyr ze Kernden vnd ze Krain, Grafen ze Tyrol zc. Tun kunt, Seind vnser getrewr lieber Hans der Kunigsperger fur seins Oheims des Marichpurger kind das er innehat Sechs Hundert phunt wienner phenning mit gu^eter kuntschaft, vnd durch lieb vnd freuntschaft, daz icht mer scheden darauf giengen, vergolten vnd beczalt hat, Jst vnser will vnd gunst, daz er vnd sein erben, die haben sullen auf des egenanten kindez Vest vnd aller anderr seiner Hab, si sey Lehen oder aigen, wie die genant ist, als lang vncz daz si des obgenanten gelts dauon genczlich gericht vnd gewert werden ane alles geuerde. Mit vrkund dicz briefz. Geben ze Wienn an Mitwochen nach vnsers frawn tag ze Liechtmezz nach krists geburde Dreuczehen Hundert Jar, darnach in dem acht vnd Sibenczigistem Jare + domini duces per Se.

Source Fulltext: OÖUB 9 (Wien 1906), S. 384