Ich Steffan auf der Ober Haid mein Hausfraw vnd all vnser erben veriehen offenlich mit dem Prief allen den die in an sehent ho^erent oder lesent die yeczunt sint oder chu^eftig werdent daz wir dem erbergen mann Micheln dem flaechacher Purger ze Welzz seiner Hausfraw^en vnd allen irn erben Recht vnd redlich chauflich ze chauffen haben geben vnser gu^et daz gelegen ist auf der ober Haid in Slaischaimer Pfarr vnd haben in daz in geantwurt auz vnser nucz vnd gwer in ir nucz gwer mit allen ern, rechten vnd nu^eczen die durch Recht dar zv^e geho^ernt vnd habent auch vnz des gericht vnd gewert nach allen vnsern willen dez vns wol genu^egt hat vnd da von verzeichen wir vnz dez obgenanten gu^otz daz wir ewiklich dhain ansprach nimmer dar nach gehaben noch gewinen su^ollen noch mu^egen mit dhainerlay sach, wir haben in auch daz obgenant gu^ot auf geben vnd Richtig gemacht gein dem Lehen herrn, da von ez lehen ist, von Her Fridrich dem Wassner der im an der selben stat gelichen hat, wi^or su^ollen auch dez obgenanten gu^otz ir gwer vnd fu^erstant sein alz lehenz vnd dez lantz Recht ist ob der ens da daz gu^ot gelegen ist waz sy dar vmb an gieng, daz sullen wi^or in ab tu^on vnd auz Richten an allen schaden. Mit vrchund dez Priefz, den wir in dar v^eber geben mit dez obgenanten lehen Herrn insygel ffriden dez Wasner vnd mit Mainharten dez flaeshacher insygel die sy an den prief gehengt habent in vnd i^orn erben an schaden durch vnser vleisigen Pet willen dar vnder wi^or vnz verpinden mit vnsern trewn alz daz staet ze haben, daz an dem prief geschriben stet. Datum anno domini Millesimo CCCo. LXXIIj jar dez samztagz nach dem liechtmezztag.

Source Fulltext: OÖUB 9 (Wien 1906), S. 385-386