Ich Thoman der Gußer vergich tu^er mich, fu^er mein Hausfrawn vnd fu^er all vnser Eriben vnd nachkomen offenlich mit dem brief vnd tu^en kund allen den, dy in an sehent, ho^ernt oder lesent, daz wir recht vnd Redlich chaufleich zechauffen haben geben daz gu^et an dem Mos gelegen bey Matikofen mit allen den eren, nu^eczzen vnd gesuchen, di dar zu geho^ernt, als wirz inne gehabt haben angever, den zechla^ewtten hincz vnaer frawn gein Matikofen zu einer Ewigen wochen mezz vnd habent vns daz vergolten mit berayten phenning, dar an vns wol genu^egt hat vnd habent vns auch der bezallt ze rechter zeit an allen vnsern schaden. Wir haben in auch daz obgenant Gu^et an dem Mos besta^ett vnd Richtig gemacht mit vnsers Lieben herrn hant hern Chunrats dez kuchler von friburg (sic), da von es lehen ist. Wir su^ellen auch dez obgenanten Gu^ecz, als es oben verschriben stet, ir gewer vnd fu^erstant sein fur all Chrieg vnd ansprach, als offt in dez no^et geschiecht, als der herschaft zu friburg recht ist angever. Ta^etten wir dez nicht, sbitann schaden si dez na^emen di obgenanten zechla^ewt vnd daz Gotzhaws zu Matikofen, den selben schaden zu sampt dem Haubtgu^et sullen wir in aus richten, geben vnd widerchern, vnd waz wir dar vmb Chriegs gegen in auf hu^eben mit Gaistleichen Recht oder mit weltleichem Recht, daz haben wir allez verlo^ern vnd daz Gotzhaw^es zu Matikofen behabt an aller stat. dar v^eber zu einem waren vrchu^end Geben wir in disen offen brief versigelten mit mein obgenanten Thoman dez Guster aigen Anhangundem jnsigel, dar vnder ich mich, mein hausfrawe vnd all vnser eriben vnd nachkomen haben verpunden mit vnsern trewn allez daz sta^et ze haben vnd warze lazzen vnd ga^enczlich ze uolfu^eren, daz oben an dem brief verschriben stet. Der brief ist geben, do man zalet von Christi gepu^erd drewzehen hundert iar vnd dar nach in dem Acht vnd Sibenczikistem jare dez Suntagz nach Mathie.

Source Fulltext: OÖUB 9 (Wien 1906), S. 396