Ich Alber von Zelking von Schalapürch, Vergich —, das ich — mit Hern Kadolts Hant von Ekharczaw des eltern, zu den zeiten Verweser des Hochgepornen Purggraf Fridreichs von Nürnberch, Manschaft in dem Lannde ze Österreich, verchaufft han meins rechten Lehens, das ich von Demselben meinem Herren dem Pu^orggrafen von Nürnberch ze Lechen gehabt han, allen meinen tail, den ich gehabt han, an der Halben Vest ze Wolfkerstorf vnd an allem dem, das zu derselben halben Vest gehöret, Es sey Chirich lehen, Manschaft, Vogttay —, als es mich anchömen ist, von weilant meiner Hausurawn frowen Gedrawten Herren Hermans Tochter von Wolfkerstorf, den Got genad, Es sey Lehen, aygen, oder Perchrecht, nichts ausgenommen, Darczu^o han ich verchaufft allen den zehent, den ich gehabt han, ze Helma vnd ze Steinpach vnd ze dem Reich vnd ze Hawczendorf, Weinzehent vnd Getraydzehent, es sey gestifft oder vngestifft, versu^ocht oder vnuersucht, der Lehen ist von dem Bischof von Pazzaw, den vorgenanten meinen tail allen —, an der egenanten halben Vest ze Wolfkerstorf —, vnd darczu die vorgeschriben Zehent, han ich — verchauft vnd geben —, vmb zwayhundert phu^ont vnd vmb zwainczig phunt wienner phenning —, den erbern Herren Hern Vlreichen von Dachsperch vnd Jo^ergen von Dachsperch seinem Vettern vnd allen iren Erben fürbas ledichleich vnd freileich ze haben, vnd allen irn fru^omen damit ze schaffen, verchauffen, versetzen vnd geben —, Vnd sein auch ich vnd all mein Erben, alles des — der obgenanten Dachsperger vnd aller irer Erben Recht geweren vnd scherm —, des Lehens als Lehens recht ist, des Aigens als Aigens recht ist, des Purchrechts als Purchrehts recht ist, vnd des Lanndes recht ze Österreich —, Vnd das der Chauf fürbas also stet vnd vnzebrochen beleib, Darüber so gib ich obgenanter Alber von Zelking, für mich vnd für all mein Erben den vorgenanten Herren Vlreichen vnd Jörgen von Dachsperch, vnd allen iren Erben, den brief zu einem warn ürkünd der Sach versigilten mit meinem Jnsigil vnd mit des vorgenanten verweser insigil, Herrn Kadolts von Ekharczaw vnd mit meiner vettern insigiln Herrn Stephans, Hern Vlreichs vnd Hern Hainreichs gebrüdern von Zelking, vnd mit meins Öhems insigil Hern Hannsen von Liechtenstain von Nicolspurch, zu den zeiten meins genedigen Herren Herczog Albrechts ze Österreich Hofmaister, die ich des vleizzichleich gepeten han, das Si der Sach geczewgen sint, mit irn anhangunden insigiln. Der brief ist geben nach Christes gepurt Drewczehen hundert iar darnach in dem Acht vnd Sybenczgistem iar, des nechsten Sambstags vor Sant Michels Tag.

Source Fulltext: OÖUB 9 (Wien 1906), S. 498-499