Wir Albrecht vnd Leuppold zc. Bechennen, vnd tu^on chunt offenlich mit disem brief daz wir vnserm getrewen Hanß von Trawn auf vnser Vest ze Pu^echhaim, die sein Satz von vns ist, geslagen haben vnd slahen auch wissentlich mit disem brieff drewhundert phunt wienner phenning, die er von dem hewtigen Tag, hin kunftiklich an dieselbe vnser veste verpawn sol, mit einer gu/aten gewissen, vnd sol die denn auf demselben Satz haben, Mit solicher beschaiden, Jst, daz wir oder vnser erben den von i^em lo^esen, bei seinen lebenden zeiten, So sullen wi^er Jm derselben dreyr hundert phunt phenning gepunden sein ze Richten, ze gleicher weise als ander gelt, das er darauf hat, nach seiner brief sag. Jst aber, daz wir den Satz bei seinen zeiten nicht lösen, So sullen dise dreuhundert phunt nach seinem Tode genczlich absein, vnd sein wir, noch vnser erben, seinen erben fürbaz. nichts daran gepunden, an allez geuer. Mit vrkund zc. Geben ze Wienn an Eritag nach dem Prehem tag. Anno zc. LXXVIIj0.

Source Fulltext: OÖUB 9 (Wien 1906), S. 375