Ich Janes purger ze fewstritz mein wi^ertin vnd all mein Erben wi^er veriehen — daz wir Filipen dem Ledrer purger ze Fewstritz seiner wirtin vnd all i^eren Erben — vnser Haus verchauft haben daz da gelegen ist an dem pühel Ob der chocherin Haus vmb fünf march phenning — vnd daz ist geschehen mit dez Erbern mans Hant Wolfleins zü den zeiten Richter ze fewstritz der sein du gewaltig ist gewesen, So loben wir auch daz vorgenante Haus ze schermen vnd ze frein Jar vnd Tag als Landes recht ist in Steyer. — Mit vrchunt dicz priefs der versigelt ist mit des Egenanten Wölfleins anhangunden Jnsigel, der es durch des Janes pett an disen Offen prief gehangen hat, dem Wolflein vnd allen seinen Erben an schaden zu ainer pezzern vrchunt der Warhait. Der prief ist geben nach Christes gepurd Drewczehen Hundert Jar dar nach in dem ächt vnd Sybenczigisten Jär dez freitags nach Sand Erhartz Tag.

Source Fulltext: OÖUB 9 (Wien 1906), S. 376