Wir Stephan von gotz genaden Pfallenczgraf bey Rein vnd Herczog in Beyrn zc. Bechennen vnd tu^en chünt offenlich mit dem brief, Vmb daz gu^et gelegn in der Wachaw^o, daz Dietrich der Losenstainer von vns zu^e lehen gehabt hat, vnd daz er vor vns aufgeben hat, Daz wir daz selb gu^et wider verlihen haben, vnd verleihen auch daz mit krafft dicz briefz, dem egenanten Dietreich dem Losenstainer vnd Peter seins Bru^oder Su^on zu^o im allez daz, das wir in von rechtz wegen vnd pilleich dor an leihen sullen, Mit vrchund dez briefz den wir in geben mit vnserm anhangendem Jnsigel versigelten, geben zu^o Melchk an Erchtag nach sand Pauls tag alz er bechert ward. Anno domini Mo. CCCo. LXXo. octavo.

Source Fulltext: OÖUB 9 (Wien 1906), S. 379