Wir Alber von gots gnaden Hertzog ze Oesterr.. . Embieten vnsern getrewen •• dem Richter dem Rat vnd den Purgern gemainlich ze Lyntz vnser gnad vnd allez gut. Als ir vns geschriben vnd bei zwain ewren mit purgern emboten habt, Vmb die gepresten, die ir habt von den Freynstetern von des klainen Saltzes wegen, vnd auch vmb das Judenfleisch, Da beschaiden wir euch ainen tag für vns auf den nechsten sand Jacobstag, als wir das den Freystetern auf getan haben, vnd emphelchen ew ernstlich, daz ir zwen auz ewrem Rat her schiket auf denselben tag, so wellen wir euch gen einander verhören vnd sehen, wie wir euch vm dasselb Saltz gen den egenanten Freynstetern auzrichten, vnd auch vmb das Judenfleisch. Geben ze Wienn an Eritag vor Johannis bapte. Anno etc. LXXVIII.

Source Fulltext: OÖUB 9 (Wien 1906), S. 468-469