Wir Albrecht zc. Bechennen vnd tu^on kunt offenlich mit disem brif. daz wir den edeln vnsern getrewn lieben Graf Purchard von Maidburg vnd Graf Hanss von Maydburg seinen sun, vmb iren dienst den si vns ierlich tu^ont, geschaft haben, an vnser Maut ze Lincz an vnserm tail. drewhundert phunt wienner phenning, der dem eltern geuallent zwai Hundert vnd dem jüngern hundert phunt, vnd der si ein yeglicher Mauter daselbs ze Lincz, ierlich richten sol, von vnserm tail, halb vf sand Michels tag, vnd halb vf sand Jörgen tag, der darnach schierest chumpt, vncz an vnser wider ru^effen. dauon gebieten wir ernstlich, vnsern Mautner ze Lincz gegenwu^ertigen vnd chunftigen, den diser bri^ef geczaigt wird vnd wellen, daz si die vorgenant Grafen von Maidburg, der selben drey hundert phunt yeglichs iares zu den egenanten tegen, an fürczog richten vnd weren vntz an vnser widerrüffen, wan wir in die yeglichs iares, an vnserm tail, in der weis als dauor geschriben stet, an irer Raittung abziehen wellen. Mit vrchund zc. datum Wienne feria quarta ante vrbani. Anno zc. LXXVIIJo.

Source Fulltext: OÖUB 9 (Wien 1906), S. 440-441