Wir Albrecht von gots gnaden Hertzog ze Österreich, ze Steyr, ze Kernden vnd ze krain, Graf ze Tyrol. zc. Tün chunt vmb die veste Rotenegg, die von vns ze Lehen ist, vnd auch ettliche Güter, die dar zü gehörent, die auch von vns sind ze lehen, die vnser getreuer lieber Ru^odolf von Walsse mit vnser hant willen vnd gunst koufte von weilent Dyemuten von Landenberg der Hofmaisterinn, Rüdlein vnd Perngern von Landemberg i^eren Sunen, daz wir dem egenanten von Walsse die gnad getan haben vnd tu^on auch wizzentlich daz er dieselben Veste vnd Gu^oter fürbaz leihen mag von im vnd seinen erben ze ainem Nachlehen ze haben vnd ze besiczen, als nach lehens vnd Landes recht ist. Mit vrchund diez briefs, Geben ze Wienn an Samztag nach allerheiligen tag, Nach Christes gepürd dreutzehen hundert Jar vnd darnach in dem acht vnd Sybentzgisten iare. ||
Magister curiae de Liechtenstain.

Source Fulltext: OÖUB 9 (Wien 1906), S. 523-524