Ich Ott der Wechsler Purger ze Wels .. mein Hausfraw vnd vnser erben vergehen —, daz wir — mit vnsers purchherren Hant vnd willen, des erbern, Hern Chünrat di zeit pharrer ze tirnstain, verchauft haben. vnsern ledigen vnd vnuerchvmerten weingarten, genant der chüssenphennich, gelegen niderthalb tirnstain ze nahst dem weingarten, genant der Rumpolt, dauon man ze pürchrecht geit, dem obgenanten pharrer ze Tirnstain vnd seinen nachomen, fümfczehen wienner phenning all jar, an sand Michelstag vnd nicht mer —, vmb Sechs vnd zwainczk phunt güter wienner phenning —, dem beschaiden mann/e, Hern Hansen, Chajplan, vnserr vrawn Chajpellen, ze tirnstain, seiner chajpellen. vnd seinen nachömen daselbs, fürbas ledichlich. vnd vreylich ze haben —. Wi^er sein auch des obgenanten Weingarten ir gewer vnd scherm, für all ansprach. alz purchrechts/e recht ist. Vnd des Landes in Österreich —, Vnd daz der chauf. also stet beleib, dar über geben wir in den brief versigelten mit des obgenanten vnsers pürch Herren Jnsigel, vnd mit des erbern Vlreichs des Warttenawer di zeit pürgraf ze tirnstain. Jnsigel. der damit der sach zeug ist, im||
an schaden, So verpind ich mich obgenanter Ott der Wechsler für mich vnd fu^er mein erben, vnder den obgenanten paiden Jnsigeln. allz daz stet ze haben. daz hie vor stet geschriben, wand ich di weil. mein Jnsigel pey mir, nicht gehabt han, der brief ist geben ze Ti^ernstain, an sand Cholmans tag, nach Christs/e gepurd Drewczehen Hundert Jar. dar nach in dem Acht vnd Sibenczkistem Jare.

Source Fulltext: OÖUB 9 (Wien 1906), S. 508-509