Ich Andre von Polhaim vnd ich Erndraut sein Hawsfraw Hern Ülreichs dez Nu^estorffer saligen Tachtter vergehen für vns vnd fu^er all vnser erben, — Daz wir vns — veraynt vnd verricht haben, Mit vnsern/e Lieben frewnten Hern Seybot vnd Hern Vlreichen den Nustorffern/e vmb alle dy ansprach vnd vadrung dy wir hincz in gehabt haben von der Hab wegen, wie dy genant ist, dy Her Vlreich der Nustorffer salig Lazzen hat, Also, daz ich obgenanter Andre der Polhaimer vnd ich obgenante Endraut sein Hausfraw vnd all vnser erben hincz in vnd hincz allen irn erben, wie dy genant sind, noch hincz aller ir Hab hin fu^er nichcz mer ze vadern/e, noch ze sprechen schullen haben mit recht noch an recht noch in dhainer weis, wie man daz ervinden mag, noch ny^emand von vnsern/e wegen vnd habent vns auch dar vmb geben, dar an vns wol genu^egt, Wa^er auch, ob wir oder vnser erben oder yemant von vnsern/e wegen dez nicht ta^eten vnd mit in chriegten oder rechten wolten, ez wa^er mit Geistleichem oder mit weltleichem rechten von der obuerschriben sach wegen, dy selben chrieg vnd recht, wo wir da mit fu^er chamen, daz habent sew all zeit wehabt vnd wir gegen in verlorn/e. Daz in daz also stet vnd vnczebrochen webeib, geben wir in den offen brief versigelten mit meinem obgenanten Andre von Polhaim vnd mit meint obgenant Ern/edraut seiner Hawsfrawn der Polhaimerin Hern Vlreichs dez Nustorffer Tachter saligen an hangunden Jnsigel vnd vnder Chunratz dez Küchler von Fribu^erch anhangundem Jnsigel vnd vnder Hern Wolfgang dez Polhaimer von Wartenbu^erch anhangunden Jnsigel dy ze zewgnvzz i^ere Jnsigel an den brief gelegt habent, du^erch vnser vleizzigen pett willen in vnd i^ern erben an schaden. dar vnder wir vns haben (!) mit vnsern/e trewn an aydez stat allez daz stet ze haben vnd ze volfu^ern daz verschriben ist an dem brief, Der brief ist geben. do man zalt von Christes gepu^erd drewczehen Hundert iar vnd in dem newn vnd Sybenczkisten iar dez Svntags nach vnser vrown tag zder Liechtmezz.

Source Fulltext: OÖUB 9 (Wien 1906), S. 576-577