Ich Göschl der Lerbüler vnd all mein erben vergechen vnd tün chund offenleich mit dem brieff allen den dy in ansechent oder hörent Lesen, daz wir auf vnser Vest ze Porcz, dy vormalen vnser aygen ist gewesen, mit aller ir zu^ogehörung, enphangen vnd genomen haben ze rechtem Lechen von vnserm gena^edigen Herren Herczog Albrechten ze Österreich vnd von seinen erben, als vnser Lechen brieff Lawt vnd sagt, den er vns dar über geben hat, Vnd dez ze ainem woren vnd sta^eten vrchund so geben wir den offen brief wesigelten mit meinem aygen anhangunden insigll vnd ze ainer woren zewgnuzz versigllt mit meins Lieben swager Stephans des Rechwanger dy zeit richter ze Wels anhangunden insigll, daz er durch vnser vleizzigen pett willen daran gelegt hat, im vnd sein erben an schaden, der brief ist geben dez erichtags nach vnser vrown tag zder Liechtmezz do man zalt von Christy gepürd drew czehen Hundert iar darnach in dem Newn vnd Sybenczkisten iar.

Source Fulltext: OÖUB 9 (Wien 1906), S. 578