Ich Ha^ertneid der elter Chuchler, di zeit Pfleger ze Tyttmaning, Jch Soffey sein Hausfraw, ich Hartneid vnd ich Eberhart desselben Chuchler Sün, vnser paider Hausfrawn, vnd all vnser Erben Sün vnd Töchter — veriehen — daz wir — ze chauffen haben geben, dem hochwürdigen fürsten — Hern Pilgreim Ertzbischofen ze Salzburg, legaten des Stu^ols ze Rom seinem Gotzhaws, vnd seinen nahchömen vnser Hoef vnd güt, — dez ersten ain gu^ot ze prantstatt, ain gu^ot haizzt Char, ain gu^ot datz pfenichpewt (!), ain gu^ot haizzt di Obersatt, ain gu^ot haizzt Perngersrawtt, ain gu^ot dacz dem Angerlein, ain gu^ot haizzt pernekk, ein gu^ot haizzt obern pru^onnaw, ain gu^ot haizzt mu^elgru^eb, ain gu^ot haizzt Stainhawsen, ain gu^ot ze Mayrhofen, bey dem Hällein, ain gu^ot haizzt veys, ain gu^ot haizzt O^edenhueb, ain gu^ot haizzt Stadel, ain gu^ot auf dem Ruedleinsperg, ain gu^ot ze hof bey dem pfenter, ain wisen ze hof, hat der pfenter inne, Jtem ain Hof in der Gaissaw, das alles gelegen ist in dem Chucheltal, vnd auch sew allew ze rechtem lehen gehabt haben von vnserm vorgenanten genädigen Herren von Salzburg, vnd seinem Gotzhaws.— — Wir veriehen auch, ob wir oder ander yemand brief für prächten, si wären elter oder jünger, di über die egenanten Hoef, güter vnd gült, sagten, wa di für chämen, di süllen all tod sein vnd wider den gegenbürtigen brief dhain chraft haben, vnd sullen im onschadhaft sein — „Vnd dar über zu^o ainer vrchünd der warhait, geben wir in den vnsern offen brief, versigelten mit vnser obgenant Härtneits dez eltern Chu^ochler, vnd mit meinem Härtneits des Chüchler, seins Süns, aigen anhangunden Jnsigeln vnd dar czu^o zu ainer dester pezzern westätigung versigelt mit dez erbern Chnechts Ortolfs dez Aygelshaimer, di zeit Lanttrichter ze Tyttmanning aigen anhangunden Jnsigel, der sein Jnsigel durch vnser vleizzigen pet willen im selb, vnd seinen erben, an schaden, an den brief gelegt hat, dar vnder ich mich obgenante Soffey di Chuchlerinn vnd ich Eberhart der Chuchler vnser Hausfrawn vnd all vnser erben vnder die vorbenanten Jnsigel mit vnsern trewn verpunden haben, stät ze haben vnd gänczleich ze volfüren, waz an dem brief verschriben stet, wan wir di czeit nicht aygner Jnsigel heten, der brief ist geben ze Salzburg, am Pfintztag nach dem heiligen prehen tag, do man zalt nach Christi gepürd drewczehen hundert iar, dar nach in dem Naewn vnd Sybenczikistem Jar.

Source Fulltext: OÖUB 9 (Wien 1906), S. 564-565