Jch Petter Harrocher vergich vnd Tu^en kundt allen denn die denn Brieff sechent Hoerent oder lessent das ich mit wolbeda^echtten mu^ett vnd mit gu^ettem willen ratt vnd günst aller meiner freu^endt, zu der zeitt, do ich Es woll getün mocht, Go^ett vnd der ku^enigin marie vnd allen Heylligen vnd besünder dem lieben Herrn Sandt Ottmar ze lob vnd zu ern, Darnach mi^er vnd allen mein frewntten vnd die mi^er ye thain gu^ett getann habent vnd der gu^eter vnd erib ich ingenomen vnd besessen hann ze hilff vnd zu tröst ein ewigs selgerätt Einem Kajpellann vnd priester mitt meiner aigen Hab, die ich von Gott ze lechen hann, als sy hernach an dem brieff wenant vnd beschriben stent, Recht vnd Redleich vermacht vnd gestifft hann, des ersten den Hoff zu Ruederstorff der Ritterma^essigs aigen ist, den ich gekaufft vonn meinen Bruder Wernhartten dem Härrocher gelegen in sandt Petringer pharr vnd dy zwo Hüb dacz Oberndorff dy auch Rittermässiges aigen sindt, dy ich kaufft han von dem Schallenberger, dy gelegen sind in Waltchiricher pharr vnd ein Hu^eb zu Rurkkersperg (!) das auch Rittermässiges aigen ist, dy ich kaufft hann von dem Tewrbanger gelegen in Czeller Pharr vnd virczig phundt phenning wienner, die ich hann auf dem Sicze ze Circhperg vnd zway vnd dreyssig Phundt wienner phenning dy ich hann aüff den güttern zu Nidern rew^et vnd dasselb ewig selgra^ett hann ich gestifft vnd gemächt einem Ewigen kappellann auf Sandt Ottmars Altter ze Chirchperg Jnn der abseytten (mit) gu^etleichen willen vnd vrlawb ¹⁾ derselben zu Chirchen zu Chirchperg Rechter pharrer ist, vnd das derselb Chajpellann der zu dem vorgenanten Sandt Othmars allter geebigt vnd bestat wirdt, Gott vnd seinen lieben Heylligen dienen scholl mit der Heylligen mess veirtag vnd werichtag als offt vnd in des Gött vnd sein aigne andacht vnd gewissen dermanet, Einem Vicari zu Chirichperg vnd dem Rechtten Pharrer ze Velden an schaden vnd an aller irrer payder Pha^erleicher rechten vnengolten. Es scholl aüch der Chajpellan des das vorgeschriben Sandt Öthmars altter ze Chi^erchperg dy vorgenantten gütter alle, in haben vnd nu^etzen ewigkchleichen vnd volchleich mit allen eren, vnd nu^eczen vnd dar zu gehorent oder dauon wechoment mügen mit stifften mit Störren als (ich es) in nücz vnd gewer Jnne gehabt hann vnd verpracht (!) hab. Es ensoll au^ech noch enmag ein yegleicher Chajpellann der vorgenanten gu^ett chains verseczen noch verchauffen gegen Jüden no (!) Christen, wesunder ist aüch ze merkchen ob das vorgenant gelt, das ich hann aüff dem sicz ze Chirchperg vnd aüff den gu^ettern ze Niderrew^ett nicht wu^erd an freys aigen pey meinem lembtigen leib gelegt, So soll es der Chajpellann ze handt nach meinem to^ed inner Jarsfrist nach des pharrer von alltenvelden vnd meins Herrn von Tannberch vnd nach meiner nagsten zwayer frewntt ratt vnd Hilf an freys aygen legen, das es hinfür der stifft nu^eczleich vnd leibleich (!) sey. Auch scholl ein yesleicher rechter pharrer ze Alttenuellden des vorgenantten sandt Othmars alter mit der vorgenantten Stifft Ewichleichen rechter Lechenherr sein mit des gu^enst vnd vrlau^eb ich dyselb alterstifft als sy oben geschriben ist gestifft vnd gemacht hann vnd westett ist mit meins genadigen erbi^erdigen Herrn ze denn zeytten Pisschoff Johanns zu Passaw^e also weschaydenleich das doch chain Pharrer ze altenvelden pey mi^er lebentigen chain anderr Priester noch Clericer leichen scholl wider mich, Sunder dem soll er leichen, denn ich nu^e selber fu^er pring o^eder mit meinem brieff anttwu^ertt. Wann ich aber gesti^erb, da Go^ett lang vor sey, So hat der pharrer zu altenvelden einen yegleichen Chajpellan, wann ainer abgett mit dem to^ed, vollen gebalt, ze hant ein andern Erbern fru^emen vnd wollgelew^etten priester denn offt genantten alter ze leichen, nach sein selben gewissen. Es scholl auch ein yegleicher Chajpellann dem der vorgenant alter gelichen wirtt mit seinen trewnn versprechen dem Pha^errer ze Altenfelden sta^etikchleich mit seinem selbs Leib auff der Phru^eent ze siczen vnd nicht aüff einer andern chi^erchen oder phru^eent ob er dy hat oder gewinet. Ta^et er des nicht, so hat in ein ²⁾ Pharrer ze Altenfelden ze vodern zu der phru^eent vnd ob er des nicht a^echtten will, So mag der recht obgenant Pharrer dy obgenant Phrüent zu Chi^erchperg einem andern Erbern Priester geleichen an allen züsprüch, Wär aber das, wann ein Kajpellann abgieng, vnd das der Pharrer ze Altenfelden dy vorgenant phru^entt nicht leichen wolt, noch nicht lich Jnn so langer zeitt als man ander Gotzgab von Recht leichen scholl, So ze ha(n)t hat mein gena^ediger Herr der Pisschoff ze Passaw^e von seinen geystleichen gewalt volliges recht dy vorgenant Phru^eent vnd Go^etzgab ze leichen nach Seinen gnaden vnd trewnn Einem Erbern frumen Priester da mit mein vnd aller vorvordern sel hincz go^ett bewartt sein. Es soll auch ein ysleich Pharrer ze Altenvelden vnd auch ein yesleicher Vicari ze Chirchperg dem vorgenantten Chajpellann chain Phrengnüss noch weswernüss mit chainerlay sach vnd aribaytt ansuechen noch mu^etten dann das frew^endtleich ist, vnd mit seim gu^etten willen. Auch ist besünder ze merkchen, das ein yssleich Chajpellann der vorgenantten stifft, von den obgenantten güettern dy ich dar zu gemacht vnd geben hann ein Ewigen Jartag dauon haben vnd begen soll mir vnd all meinen vorvadern vnd Nachkomen sel, vnd dy mi^er ye thain güett getan habent, vnd der gu^etter vnd erib ich ingenomen vnd wesessen hann ze Hilff vnd ze trösst alle Jar jerleich des nachsten Phincztags vor sand Michels tag des Mitichen abent mit der Vigilij vnd des vorgenantten tags mit Sechs messen vnd ob er denselben Jartag au^eff den obgenantten Phincztag von ehaffter no^ett wegen nicht mo^echt wegen welchs Järs das wär, so scholl er vnuerzogenleich in wegen vnd volpringen in derselben wochen vor oder nach angeuer vnd scholl derselbs Chajpellann dy Herrn vnd Priesster dy er zu dem vorgenantten Jartag lätt vnd pitt, des nachts vnd des mörgens aüss richten mit der chöst mit allen sachen nach sein trewn vnd nach seiner gewissen vnd das soll alles geschehen einem pharrer ze Altenfelden vnd einem Vicari ze Chirchperg an schaden, also, das der Chajpellann einem vicari von der vigilij vnd für das O^ejpha^er vnd für sein Aribaytt dy er dar zü tütt Raychen vnd geben soll allew Ja^er an dem selbigen Järtag vnuerczogenleich Sechczig wienner phenning, dem Messner oder schuller daselbs Sechs phenning, dann dem Götzhaws ze Chirchperg von dem man nymt vier stekch cherczen dy da prinnen schüllen pey der vorgenantten vigilij vnd messen scholl er geben vnd raychen Sechczen phenning vnd also soll der Chajpellann den vorgenantten Järtag alle Jar aussrichten vnd wegen als Er hie beschriben Stett, vnd welchs Ja^ers er das verzu^eg, so hat in ein pharrer ze Alttenfelden daru^emb ze no^etten als verr v^enczt das er das volpringt, Es soll aüch der Erberg Herr Gündakcher von Tannberg oder sein Erben öder ber (!) sein gu^ett vnd erib wesiczt, des vorgenantten Chajpellann vnd alles des gu^ets damit der vorgenantt alter mess gestifft ist oder noch wirtt, Trewer vogt vnd scherben sein vnd aüsrichter in allen sachen als sy des von gött den Ebigen lönn Enphahen wellen vnd damit gib ich vorgenantter Petter der Ha^errocher einem Chajpellann dem der vorgenant sand Öthmars alter verlichen von erst vnd der dar zu bestett ist, vnd seinen Nachkomen dy obgeschriben gütter alle ledikchleich vnd gänczleich aüff mit sambt der weraytschafft, dy da leyt auf dem obgenantten Hawss Sicz cze Chirichperg, dy vierczig phundt wienner phenning vnd auf dem gu^ett ze Nidern reytt dy zway vnd dreyssig phündt phenning wienner au^es meiner nu^ecz vnd gewer in dy iren, also das sy dauon Go^ett vnd allen Heylligen vnd besunder sandt Öttmar Vleissikchleich vnd Ebikchleichen dar vmb dienen süllen vnd mein vnd meiner vorvadern sell Trewleich webaren (!) schüllen, als sy darümb gött anttwürtten schüllen an dem gericht da vor wi^er allew derschein mit Leib vnd mit sell vnd verzeich mich der gäncz vnd gar, Also das ich noch mein Pru^eder, noch all mein freündt fürbas Ebikchleich chain züsprüch weder mit Recht noch an Recht, geystleich noch weltleich dar nach haben su^ellen noch gewinnen vnd das das vorgenant selgera^ett mit der Heylligen mess vnd gotzdinst Rechtleich vnd O^erndleich volpracht, vnd volfu^ertt, vnd alles das vor an dem brieff geschriben ist, Stät vnd vnczepröchen beleib, daru^emb gib ich obgenanter Peter Ha^errocher denn brief zu einer ganczen Ewigen westettigung wesigelt mit meinem aygnem anhangu^enden Jnnsigel vnd mit des erbern Herrn Herrn Hassner ze der zeytt Pharrer zu alttenfelden vnd mit des Edlen Herrn Herrn Gundakcher von Tannberkch anhangunden Jnsigel vnd mit meins Bru^eder Hern Vlreichs des Ha^errocher vnd mit Wernha^ercz des Ha^errocher auch meins Pru^eder in Sigel dy sy all fümff zu einer wären beczew^egnüss vnd bestettigu^eng der obgeschriben sach zu sambt mir an den Brieff gehangen habent vns vnd allen denn dew vns dar zu^e Hilffleich sein ze Hayll vnd zu seldn vns vnd all vnssern vorfördern sellen ze Hilff vnd ze einem Ewigen tro^est. Der brieff ist geben nach xpi gepurde do man Czalt drey czechen Hündert Jar darnach in dem Newnvnd Sybenczigisten Ja^er an vnsser fraw^en tag der Heylligen Schiedung.

Source Fulltext: OÖUB 9 (Wien 1906), S. 674-678