Ich Janns. vnd ich Nykla. Brüeder dy Gawgenperger vergehen füer vns, vnd füer all vnser erben, di wi^er y^eczu haben oder chünftichleich gewinnen, mit dem bri^ef. allen Lewten, y^eczund lemtigen, vnd hernach chünftigen. den er füer bracht vnd geczaigt wi^ert. Vmb all di ansprach chri^eg. vnd sto^ezz, dy wir lange czeit gehabt haben hincz den Ho^echwi^erdigen füersten vnd vnsern Herren, von erst, Hintz Byschof Go^etfriden, ze Pazzaw seligen, vnd hincz Byschof Albrecht ze Pazzaw, hincz irm Gotzhaus, vnd irs Gotzhaus Hab, von der Hueb wegen ze Prukk gelegen in florianer Pharr, mit aller i^erer zu^egeho^erung, welherlai Chrieg, scheden weswerung, sach vnd Handlung sich dar ünder vergangen habent, an lewten, vnd an guet, vncz auf den Hewtigen tag, so der bri^ef geben ist, Daz vns dar vmb, der edel vnser genediger Herr Her Hainreich von Waltse, di czeit Hawbtman ob der Enns, mit einander frewntleich, vnd genedichleich, vnd mit vnserm gu^eten willen, nach ünserr nachsten frewnt rat vnd anderr erberr Lewt weisung, besu^enet, vnd bericht hat, auf ein gancz end, Mit der beschaiden, daz all zu^espru^ech, vadrung, vnd chrieg, ünsers tails genczleich ab vnd hin sind, getrewleich an allez geuer, vnd daz wi^er, vnd all ünser erben gegenwu^eertig, vnd Chünftig, all vnser frewnt vnd Helfer, noch niemant von ünsern wegen, hincz dem obgenanten vnserm Herren, Hern Albrecht Byschof ze Pazzaw, hincz allen seinen nach chömen, hincz seim Goczhaus, vnd hincz aller seiner Goczhaus Hab, wy^e di genant, vnd wo dy gelegen ist, dy^e sy y^eczund habent, oder chünftichleich gewinnent, hincz der obgenanten Hueb ze Prukk vnd von der selben Hueb wegen ze Prukk, vnd von aller vergangen sach wegen y^eczund noch füerbaz nichts mer ze sprechen süllen haben, noch an dhainer stat, dhain ansprach, vadrung, Chri^eg, noch veintschaft nymer mer, gehaben noch gewinnen süllen, weder mit recht noch an recht, geistleich noch weltleich. in dhainn weg an gever, Also, das wi^er v^ens vnd all vnser erben gegenbu^eertig vnd chu^enftig der oft genanten Hueb ze Prukk, mit aller zu^ogehörung, vnd aller der recht, di wi^er daran gehabt haben. oder daran gehaben mo^echten. genczleich verczigen haben, vnd üns auch verczeihen wizzentleich mit dem bri^ef. an allez gever, daz wi^er daran, noch dar vmb, dhain ansprach, vadrung, Chrieg, noch recht nimmer gehaben, noch gewinnen süllen, weder mit recht noch an recht in dhainn weg vnd dar vmb ist üns ein gelt gesprochen warden, des wir genczleich gericht sein, daran vns wol genüegt hat, das vns der obgenant ünser genediger Herr, Her Hainreich von Waltse, getaidingt vnd gesprochen hat, mit vnserm güetleichem willen, vnd daz lüben vnd gehaizzen wi^er allez, also stet ze haben, füer vns vnd füer all ünser erben mit ünsern trewn, an ayd stat, vnd an allez gever, Vnd dar vmb zu einer warn ürchünd der berrichtigung vnd der sach, geben wi^er den bri^ef versigelten mit vnserm anhangunden Jnsigeln, vnd zu einer zewgnüss versigelt mit vnsers oft genanten genedigen Herren Hern Hainreichen von Waltse anhangunden Jnsigel, der der berichtung taidinger gewesen ist. vnd der sach zewg ist, durch ünser pet willen, mit seinem anhangundem Jnsigel, i^em vnd seinen Erben an schaden. Der bri^ef ist geben nach Christes gepüerd Drewczehen Hundert Jar, dar nach in dem Newn vnd Sybenczgistem Jar des nachsten Phincztags nach vnser frawn tag, als sy verschaiden ist.

Source Fulltext: OÖUB 9 (Wien 1906), S. 681-683