Wir Heinrich Graue von Truhendingen, vnd wir Johans graue daselbst sein Su^en Bekennen vnd tün ku^ent offenlichen mit disem bryeue, Daz wir die Hochgebornen ffriderichen Purk- grauen zu Nuremberg vnd Johansen Lantgraven zu dem Leu^etemperge vnd Grauen zu Halss vnsere lieben Ohoime gegen den Edeln Johansen Purkgrauen zu Moydburg vnd Grauen zu Hardekke vnserm lieben Swager vnd frawen Annen Grauen Lewpoldes von Halss seligen Wytiben vnsir lieben Snür vnd Gemahein für funff czehen hundert Schok grosser Behemischer werunge die wir derselben vnsir lieben Snür vnd Gemahel für ir Heymstewr, widerlegvnge vnd auch für drewhundert schok grosser der selben werunge, die wir. Ir. von den selben funff czehen hundert schokken auf czu heben vnd eyn czu nemen auff vnsern gewissen güten süllen vormachen, haben ver seczet, Darumb so verbynden wir vns vnuerscheidenlichen mit vnsern guten tro^ewen fur vns vnd vnsire Erben, das wir, die selben vnsire lieben Oheime vnd ire Erben on allen iren schaden von derselben purkschaft sullen vnd wollen gutlichen ledigen vnd losen. Wir sullen auch dieselben vnsire Oheim vnd ire Erben eynlossen nemen vngehindert vnd aufheben, die funffczehen hundert schok grosser, die die egenante fraw Anna, vnsir liebe Snu^er vnd gemahel, vns Grauen Johansen von Tru^ehendingen zu heymstewr sol geben in sulcher maße vnd weise, als der bryeff, den dieselbe vnsir liebe Snu^er vnd Gemahel vmb dieselben funffczehen hundert schok von dem egenanten Purkgrauen Johans von Meydeburg irent Brudir, vnserm lieben Swager hat, volliclichen weiset vnd den : sye : Jn ein gegeben hat vnd geantwort. Als lange biz daz wir derselben vnsir lieben Snür vnd Gemahein die obgenanten funffczehen hundert schok grosser irer Heymstwre widerlegunge vnd auch die dreuhundert schok großer davon eyn zu nemen genczlichen vnd gar beweiset haben vnd vermachet. Auch sullen wir alle Stewr, die wir schirst von vnsern armen leuten aufhebend vnd nemend werden, vnd auch allez andir gelt, daz wir gehaben oder zusamen mugen pryngen, nindert andirs tun, kheren, wenden, schicken odir geben, dann daz wir Stu^effemberg vnsere vestt, vnd andire vnsire gut dar auff wir derselben vnsir lieben Snu^er vnd Gemaheln ir Heymstewr, Widerlegunge vnd daz gelt dauon zu nemen, vormachen sullen vnd beweisen, dauon ledigen sullen, an allerley geuerde vnd losen. Vnd daz den egenanten vnsirn lieben Oheim dem Purkgrauen vnd dem Lantgrauen vnd iren Erben alle obgeschribene pu^ende vnd Artykel stet gancz vnd vnuerrukket werden gehalten, dar umb haben wir für vns vnd alle vnsire erben denselben vnsern lieben Oheimen vnd iren Erben mit gutem gesuntem wolbedachtem Rate vnd mute eyngeseczet vnd seczen Jn auch eyn, mit kraft dicz brieue vnsire vesten Gyech. Mit dem gedinge, Ob wir der oftgenanten frawen Anna vnsir lieben Snu^er vnd Gemaheln, die egenant, irer Heymstewr, widerlegunge, vnd die gülte dauon zu nemen nicht beweisten vnd vormachten in sulcher masse, als die freuntschaft bryeue sagen, So sullen sie dieselben vnsir vesten mit allem irem nu^eczen, Rechten, Gerichten, Gewonheiten, Eren, wirden, Gütern vnd mit allen iren zugehorungen, wie die genant, oder wo sie sein gelegen, nichts außgenomen, ynne haben, die wir Jn auch also eyngeben sullen vnuorczogenlichen (!), vnd sie sullen auch der nu^eczen, niessen, beseczen vnd enseczen, gleich iren eygen güten vnd als wir selber die ynne gehabt vnd herpracht haben, als lange, biz daz wir der oftgenanten vnsir lieben Snu^er vnd Gemaheln die egenante Heymstewr, Widerlegunge, vnd auch die drewhundert schok grosser pfenninge oder wem sie die schicket vnd schaffet, nach sage vnd auzweisunge der freuntschafft briefe, die dar uber gemacht sein worden genczlichen vnd gar beweiset vnd vormachet haben, vnd nach dem wir sie oder wem sie das schicket, also haben beweiset vnd vormachet, So sullen die egenant vnsir veste mit allen iren czugehorungen vnd auch diser vnsir bryeff von den oftgenanten vnsern lieben Oheimen vnd von iren Erben ledig vnd los sein, vnd die sie vns vnd vnsern Erben ouch denn lediclichen wider antworten sullen vnd geben, des zu vrchunt vnd einer merern sicherheit geben wir Jn disen bryeff mit vnsir beyder anhangenden Jnsigeln besigelt, der geben wart in vnser vesten zu dem khulm. Nach Christi vnsirs Herren gepürt drewczehen hundert Jar vnd darnach in dem Newen vnd Sybenczigistem Jare an sant Niclaus tag des Heyligen Nothelffers.

Source Fulltext: OÖUB 9 (Wien 1906), S. 758-759