Wir Albrecht von gotes gnaden, Herczog ze O^estereich, ze Steyr, ze Kernden, vnd ze Krain, Graf ze Tyrol etc. Embieten vnserm getrewn lieben Rudolfen von Walsse, oder wer, an seiner stat ist ze Sa^eusenegg, vnser gnad, vnd alles gu^ot. Vnser getrewn Purger von Steyr, habent vns mit chlag fürbracht, daz man Eysen vnd Venedische chaufmanschaft, füre vber die haid für Waidhofen, vnd daz die an vnser Mautstet nicht chöme, alz das von alter herchomen sey. Da emphelhen wir dir, vnd wellen gar ernstlich, daz du das wendest vnd vnderstest Also, daz man alle chaufmanschaft fürbaz füre für vnser Stat ze Steyr, daz vns vnser Maut daselbs, vnd auch anderswo geualle, alz das von alter herchömen ist, vnd alz das auch vormalz, vnser lieber bru^oder Herczog Ru^odolf, mit seinem brief geschafft hat, vnd welcher es daruber ta^ete, daz du im dann, das eysen, vnd andre chaufmanschaft nemest vnd die haltest, vnd niderleggest zu vnsern handen, vnd des mit nichte lazzest. Geben ze wienn an Mentag, vor Martini. Anno etc. LXX° nono. D.(ominus) dux. p.(er) Jo.(hannem) de Tirnauia.

Source Fulltext: OÖUB 9 (Wien 1906), S. 735